Florent Hadërgjonaj dhe Fidan Aliti shkëlqejnë në fitoren e Alanyasporit

Dy reprezentuesit kosovar, Florent Hadërgjonaj dhe Fidan Aliti, kanë shkëlqyer me paraqitjet e tyre në fitoren e fundit të Alanyasporit.

Alanyaspor shënoi fitore me rezultat të pastër 2-0 në udhëtim ndaj Konyasporit, ndeshje kjo e cila u zhvillua në kuadër të xhiros së 33-të në Superligën e Turqisë.

Ishte Florent Hadërgjonaj ai i cili shënoi për t’i dhënë avantazhin ekipit të tij, kur në minutat shtesë të pjesës së parë realizoi për 1-0 pas asistimit të Oguz Aydin.

🇹🇷 Florent Hadergjonaj WHAT A FINISH! 🫶
pic.twitter.com/mmVwQFnce1

— Kosovar Football 🇽🇰 (@kosovarfootball) April 20, 2024

Në këtë ndeshje vlen të theksohet edhe paraqitja e mirë e Fidan Alitit, i cili ishte i pakalueshëm dhe një ‘muri i gjallë’ për ekipin kundërshtar.

Për paraqitjen e tij fantastike, Florent Hadërgjonaj u vlerësua me notën 7.9 nga Sofascore, ku përveç golit edhe katër duele të fituara, katër topa të gjatë të saktë si dhe 64 pasime të kompletuara.

Aliti në anën tjetër mori notën 7.0, pati tri spastrime të topit nga zona, dy ndërhyrje në top, si dhe 65 pasime të kompletuara.

Me këtë fitore Alanyaspori ka ‘rrëmbyer’ pozitën e tetë në tabelë me 45 pikë të grumbulluara, ndërsa xhiron e ardhshme do të jetë nikoqir i Istanbulsporit./Telegrafi/