Flet këngëtari i prekur me coronavirus, Muhamet Sejdiu: Ndjehem shumë mirë, jam gati të kthehem në shtëpi

Plot 20 mbetet numri i deritanishëm i të infektuarve me COVID-19 në Kosovë.

Një prej tyre është edhe këngëtari i njohur Muhamet Sejdiu, i cili ekskluzivisht nga Klinika Infektive e QKUK-së ka folur për ‘RADIO 1’.

“Ndjehem shumë mirë. Sa i përket shëndetit dhe asaj që ndjehem, sot isha kthyer në shtëpi. Bashkëshortja ime e infektuar poashtu, është e gatshme të lirohet me rekomandim të mjekëve, por ajo po qëndron për të më shoqëruar mua. Faleminderit Radio 1, miqtë e mi”, tha Sejdiu në Radio 1.

Tutje Muhamet Sejdiu ka ndarë një apel dhe lutje për të gjithë qytetarët e Kosovës, sa i përket situatës së krijuar dhe simptomave.

“Ju kisha lutur shumë. Nëse vëreni simptomat e para, e ato janë Temperatura pak më e lartë, kollitja ethatë dhe këputje e trupit, menjëherë paraqitunu tek mjeku, sepse aty është shëtimi. Shoqja ime ka reaguar në kohë dhe ka kaluar shumë më lehtë. Unë jam vonuar pak, ndaj dhe procedura për mua zgjatet pak. Gjenda që personi me COVID 19 e kalon, është pak diçka më e rënduar se një grip. Miqtë e mi, do ta kalojmë edhe këtë.”-u shprehë këngëtari Sejdiu në Radio 1. /Njëshi/