Fitore tejet e rëndësishme e kampionit

Feronikeli ka arritur një fitore tejet të vlefshme nga udhëtimi në Prizren duke mposhtur Lirinë 1-3.

Kampioni në fuqi e nisi më mirë ndeshjen duke shënuar edhe golin e parë shumë shpejtë.

Sulmuesi i talentuar, Mendurim Hoti shënoi për 0-1 vetëm pas dy minutave lojë.

Nikli arriti spejtë ta dyfishoj epërsinë në përballje me Lirinë.

Në minutën e 10-të, Yll Hoxha bëri një deportim tëmirë dhe asistoi tek Prokshi i cili shënoi për 0-2.

Epërsia e dyfishtë e Feronikelit nuk zgjati më shumë se tre minuta, pasi vendasit ngushtuan epërsinë.

Afrikani, Osi Chibueze arriti ta dërgoi topin në rrjetë pas një tollovije në zonë.

Me rezultat 1-2 në të mirë të Feronikelit përfundoi pjesa e parë.

Skuadra nga Drenasi shënoi edhe golin e tretë dhe të fitores në minutën e 82-të.

Ishte sulmuesi gjakovar, Mevlan Zeka që shënoi për 1-3 duke i sigruar një fitore të madhe Niklit.

Pas kësaj fitore, Feronikeli vazhdon të mbetet në pozitën e dytë me 45 pikë të grumbulluara.

Ndërkohë Liria mbetet në vendin e shtatë në tabelë me 24 pikë të tubuara. /Telegrafi/