UEFA pritet ta përjashtojë kampionin anglez, Manchester Cityt nga Liga e Kampionëve.
Manchester City arriti të fitojë ndeshjen e javës së fundit në Ligën Premier ndaj Brightonit me rezultat 4-1 dhe të shpallet kampion me 98 pikë.
Megjithatë, ende pa u bërë 24 orë nga gëzimi i tyre i madh, Qytetarët mund të tronditen nga UEFA.
Sipas revistës prestigjioze New York Times, kampioni i Ligës Premier mund të përjashtohet nga Liga e Kampionëve.
Ky përjashtim mund të vijë pas një hulumtimi disa mujor nga autoritetet angleze të futbollit dhe UEFA, ku del se klubi anglez ka mashtruar me financat e tyre.
Anëtarët e bordit hetues të kontrollit financiar të UEFA-s, i krijuar për të analizuar llogaritë e klubeve të dyshuara për thyerjen e rregullave të UEFA-s, u takuan dy javë më parë në Nyon të Zvicrës për të përfunduar konkluzionet e tyre.
Megjithatë, mbetet e paqartë nëse ndalimi në Ligën e Kampionëve do të zbatohet sezonin e ardhshëm ose në sezonin 2020-21. /Telegrafi/
