Aktori Eddie Redmayne i ka të gjitha parakushtet për të bërë një jetë shumë luksoze, mirëpo ai ka vendosur të mbetet modest, ashtu që rregullisht e përdor metronë londineze për të arritur në destinacionet e dëshiruara në qytetin e tij.

Reklama

Pasuria e aktorit fitues të çmimit Oscar vlerësohet rreth katër milionë dollarë (3.5 milionë euro), por 37-vjeçari bën një jetë shumë të thjeshtë.

Disa fansa e kanë parë atë duke udhëtuar me metro, ku qëndronte duke dëgjuar muzikë dhe duke lexuar gazetën.

Eddie Redmayne në metronë e Londrës (Foto: Tanveer Mann)

Redmayne në disa intervista në të kaluarën ka thënë se i pëlqen të bëjë jetë të zakonshme dhe se përpiqet t’i edukojë dy fëmijët e tij në mënyrën më të mirë të mundshme.

Reklama
Të gjitha lajmet për Eddie Redmayne Të gjitha lajmet për Eddie Redmayne
Reklama

Deri më tani, aktori anglez ka luajtur disa role të mëdha duke e veçuar portretizimin e Stephen Hawking në filmin “The Theory of Everything”.

Falë këtij roli, në vitin 2014, Redmayne e fitoi çmimin Oscar për aktorin më të mirë në rol kryesor.

Një vit më pas, ai luajti rolin e Lili Elbe në “The Danish Girl”, për të cilin u nominua për të dytën herë për Oscar.

Në vitin 2016, 37-vjeçari filloi të luante rolin e Newt Scamander në serinë e filmave “Fantastic Beasts”. /Telegrafi/