I dërguari special i Shteteve të Bashkuara të Amerikës (SHBA) për Ballkanin Perëndimor, Gabriel Escobar, tha se nuk është caktuar asnjë afat për propozimin evropian për normalizimin e marrëdhënieve ndërmjet Serbisë dhe Kosovës.
Escobar, në një intervistë për Radio Televizionin Serb (RTS), ka thënë se SHBA-të e mbështesin propozimin franko-gjerman, por ka përgënjeshtruar raportimet e mediave serbe se 24 shkurti është caktuar si datë e fundit për arritje të marrëveshjes finale mes Kosovës dhe Serbisë.
“Nuk jam në dijeni se ai [propozimi franko-gjerman] kërkon një zgjidhje urgjente brenda disa javësh. Por, sigurisht që kërkon përparim shumë të shpejtë në dialog”, tha Escobar, transmeton Telegrafi.
Ai shtoi se propozimi evropian duhet të shqyrtohet sepse, siç vlerësoi ai, do të ndihmojë që shumë shpejt të arrihet progres në dialog.
“Ai propozim është ende në kuadër të dialogut të udhëhequr nga Bashkimi Evropian. Nuk na takon neve të vendosim afate. Me sa di unë nuk janë vendosur as nga evropianët”, tha Escobar.
Ai më tej tha se SHBA mbështet njohjen reciproke mes Kosovës dhe Serbisë.
“Mendojmë se kjo do të ishte më e mira për rajonin. Por thelbi i dialogut është që të dyja palët të gjejnë një zgjidhje që u përshtatet atyre. Nëse ka një zgjidhje që funksionon për të dyja palët…”, ka deklaruar ai.
I pyetur se pse i ka kërkuar palës kosovare shtyrjen e zbatimit të vendimit për targat ilegale serbe edhe për dhjetë muaj, Escobar ka thënë se zbatimi ka filluar gjatë verës.
“Atëherë kërkuam një shtyrje të zbatimit për një vit për t’u përgatitur më mirë, në mënyrë që ata vetë të përgatiteshin më mirë. Që atëherë kanë kaluar dy muaj, kështu që ne jemi ende në kërkim të dhjetë muajve të mbetur”, ka thënë Escobar.
Ai ka konfirmuar që në thelb, afati për zbatimin ka mbetur i njëjtë, 1 shtatori.
“Qëllimi, pak a shumë, ishte 1 shtatori, por ne kërkuam që të ishte 1 shtatori i vitit të ardhshëm”.
Escobar tha se për çështjen e shtyrjes së afatit për targat janë duke u zhvilluar me palën kosovare dhe janë në një fazë të ndjeshme.
“Shpresoj shumë që do të zgjasin afatin. Shpresoj se do të pranojnë kërkesën e vendeve të QUINT-it dhe kërkesën personale të Sekretarit amerikan të Shtetit për ta shtyrë afatin, që zbatimi të jetë më pak kaotik dhe për të krijuar kushtet për zbatimin e duhur”, ka thënë Escobar. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Kryeministri tha se marrëveshja e 2015-ës me Serbinë shkel Kushtetutën, reagon Mustafa: Është sajesë dhe gënjeshtër e Kurtit
Siljanovska: Në zgjedhje vendoset nëse Maqedonia do të jetë pro-evropiane
Tre mijë punonjës të kulturës pa paga, protestuan para Ministrisë së Kulturës
Vuçiq e quan “hipokrit” reagimin e ndërkombëtarëve për ndalimin e qytetarëve të Kosovës
Britania e Madhe reagon për protestën para Bashkisë së Tiranës: Molotovi nuk ka vend në demokraci
11-vjet nga marrëveshja e nënshkruar nga Thaçi dhe Daçiq, deklarohet Stano: Themelimi i Asociacionit, ndër çështjet më urgjente
Kurti ironizon me ushtrimet e ushtrisë serbe: Paraqesin ndotje të ajrit e tokës
SHBA-ja synon ta "fortifikojë" Ballkanin Perëndimor
Haradinaj kritikon ashpër Kurtin: Autostrada e Dukagjinit do të ndërtohet herëdokur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi