Presidenti i Turqisë, Recep Tajip Erdogan përshëndeti arritjen e diskutueshme të një sistemi mbrojtës të raketave ruse pavarësisht kërcënimit të sanksioneve nga SHBA, duke thënë se hapi tjetër do të ishte prodhimi së bashku me Moskën i S-400.

Sipas mediave të huaja, përcjell Telegrafi, grupi i parë i pajisjeve ruse S-400 u dërgua në Turqi në ditët e fundit edhe pas thirrjeve të përsëritura të SHBA-së për të anuluar marrëveshjen ose për t’u ndeshur me dënimin.

“Ne kemi filluar të marrim S-400-ët tanë. Disa thanë se nuk mund t’i blejmë ato … Pjesa përfundimtare e këtij [furnizimi] do të jetë në prill të vitit 2020″, tha Erdogan para një turme të hënën në Ankara, në përvjetorin e tretë të një përpjekjeje të përgjakshme grushti shteti.

“Tani synimi është prodhimi i përbashkët me Rusinë. Do ta bëjmë këtë”, ka thënë tutje presidenti Erdogan. /Telegrafi/