Erdogan: Nëse është e nevojshme, Turqia mund të ndajë rrugën me BE-në

Recep Tayyip Erdogan tha sot se Turqia mund të “ndahet” nga Bashkimi Evropian.

Presidenti turk këtë e tha duke komentuar raportin e Parlamentit Evropian, ku thuhet se vazhdimi i anëtarësimit të Ankarasë në BE është i pamundur në rrethanat aktuale.

Lexo po ashtu Erdogan kërkon të lehtësohen sanksionet kundër Rusisë

Duke iu përgjigjur pyetjeve të gazetarëve në lidhje me raportin e PE-së për Turqinë, të miratuar në fillim të kësaj jave, i cili i bëri thirrje BE-së të konsideronte miratimin e një “kornize paralele dhe realiste” për marrëdhëniet me Ankaranë, Erdogan tha se “BE po përpiqet të ndahet nga Turqia ”, raporton reuters.

ABD Ziyareti Öncesi Basın Toplantısıhttps://t.co/nZt0teyyxW

— Recep Tayyip Erdoğan (@RTErdogan) September 16, 2023

“Gjatë kësaj periudhe kur Bashkimi Evropian po bën lëvizje për t’u ndarë nga Turqia, ne do të japim vlerësimin tonë në lidhje me këto zhvillime dhe pas këtyre vlerësimeve, ne mund të ndahemi me BE-në nëse është e nevojshme”, tha lideri turk para gazetarëve përpara udhëtimit drejt SHBA-së.

Ankaraja ka 24 vjet që ka fituar statusin kandidat për anëtarësim në BE, por procesi është bllokuar vitet e fundit për shkak të shqetësimeve të Brukselit për të drejtat e njeriut dhe respektimin e shtetit të së drejtës në Turqi.

Lexo po ashtu Erdogan pati problem me pajisjen e përkthimit gjatë takimit me Putinin, e shikonte me habi derisa presidenti rus fliste

Ndryshe, Erdogan do të përfaqësojë shtetin turk në takimin vjetor të liderëve të botës në Organizatën e Kombeve të Bashkuara, e cila do të mbahet në selinë qendrore të OKB-së në New York. /Telegrafi/