Era dhe Nora me dedikime emocionuese për të atin e ndjerë

Nezir Istrefi është ndarë prej jetës 14 vjet më parë pas një aksidenti në komunikacion.

Këtë ditë e ka kujtuar edhe Nora Istrefi dhe Era Istrefi, të cilat i kanë ndarë pak hapësirë në rrjetet sociale të atit të tyre të ndjerë.

Era që po bën karrierë në arenën ndërkombëtare ka pohuar se babai kishte besim se ajo do të mbërrij shumë lartë në jetë.

“Besimi jot në mua edhe dashuria jote më kanë mbajtur gjithë jetën. Kujtimi ma i bukur i jetës tem, babi. Këtë sukses ta dedikoj ty!” është mesazhi emocionues të cilin Era e ka publikuar në Insastory.

Edhe Nora ka kujtuar të atin duke shprehur mungesën dhe mërzinë që ndjen për babanë.

“Sot janë bërë 14 vjet pa babanë tim, 14 vjet pa njeriun që bëri gjithçka për neve që të kishim një jetë më të mirë. Babai nuk arriti ta shihte suksesin tonë, timin dhe të Erës, por ne e dimë qe ai na shikon nga lartë që të gjithëve. Është engjëlli mbrojtjes i Bledit,Nitës, Erës,Mamit dhe i imi. Mungesën tënde e ndjejmë çdo ditë, në çdo hapë. Babiq, të dua, të dua me shumë seç mund ta përshkruaj me fjalë”, kishte shkruar Nora.

Lexo po ashtu "A jeni gati", Era Istrefi sjell një video të shkurtër të këngës së re

Kujtojmë se Nezir Istrefi ka punuar si gazetar në Radio Televizionin e Prishtinës dhe Radio Televizionin 21. /Telegrafi/

Sot jane berë 14 vjet pa babin tim, 14 vjet pa njeriun që beri gjithçka për neve qe te kishim një jetë më të mirē. Babi nuk arriti ta shihte suksesin tonë, timin dhe të Erës, por ne e dimë qe ai na shikon nga lartë që të gjithëve. Është engjëlli mbrojtes i Bledit,Nitës, Erës,Mamit dhe i imi. Mungesën tënde e ndjejmë çdo ditë, në çdo hapë. Babiq, të dua, të dua me shumë seç mund ta pershkruaj me fjalë. ❤️ @bledistrefi @strefie #NitaIstrefi

A post shared by Nora Istrefi (@_noraistrefi_) on Jun 6, 2018 at 7:45am PDT