Kendall Jenner dhe Jacob Elordi duket se po shijojnë gjithnjë e më shumë romancën e tyre, teksa u fotografuan së bashku pas një darke në Londër.
Çifti u largua nga restoranti “River Café” në Londrën Perëndimore, duke tërhequr vëmendjen me afrimitetin mes tyre.
Jenner, 30 vjeçe, dukej elegante me një bluzë të zezë të ngushtë, xhinse dhe këpucë të sheshta, ndërsa aktori 29-vjeçar kishte zgjedhur një bluzë të bardhë dhe pantallona të gjera, shkruan DailyMail.
Gjatë largimit nga restoranti, Kendall e mbante nga kyçi i dorës, ndërsa Elordi u shfaq shumë i afërt me të.
Romanca e tyre u bë publike në prill, kur dyshja u fotografua duke u puthur në një festë pas koncertit të Justin Bieber në Coachella.
Që prej atëherë, Kendall dhe Jacob janë parë së bashku në disa udhëtime, përfshirë Hawaiin dhe Japoninë, ku një moment i tyre dorë për dore në Tokio u bë viral në TikTok.
Çifti ndodhet aktualisht në Londër për premierën e filmit të ri të Elordit, “The Dog Stars”, me regji të Ridley Scott.
Gjatë qëndrimit në kryeqytetin britanik, ata kanë kaluar kohë së bashku edhe në darka me familjarë dhe në evente të lidhura me filmin, duke bërë që lidhja e tyre të jetë gjithnjë e më shumë në qendër të vëmendjes. /Telegrafi/
