Eni Koçi feston ditëlindjen e 26-të, Genc Prelvukaj: Jeta ka ngjyrë me ty, ndaj të dua çdo mëngjes e darkë pranë

Artistët Eni Koçi dhe Genc Prelvukaj janë ndër çiftet më simpatike dhe më të njohura në estradën shqiptare.

Dyshja pak javë më parë konfirmuar se ata janë të martuar që nga viti 2019 ndërsa gjithashtu pritet të bëhen prindër.

Ndërsa, sot (e martë) këngëtarja e njohur shqiptare feston ditëlindjen e 26-të.

Në këtë ditë të veçantë për të nuk kanë munguar as urime të shumta për artisten nga familjarët, miqtë dhe fansat e saj të shumtë.

Por, padyshim vëmendjen më të madhe ka marrë urimi që ia dedikoi partneri i saj prej shumë vitesh, artisti Genc Prelvukaj.

Përmes një imazhi të Enit që postoi në llogarinë e tij në Instagram, Genci ka zgjedhur fjalët më të bukura për të uruar personin e tij të zemrës.

Lexo po ashtu Eni Koçi dhe Genc Prelvukaj në pritje të fëmijës së parë së bashku

Më poshtë urimi i plotë i Gencit për Enin:

Urime ditëlindjen vajza më e bukur në shpirt që kam njohur ndonjëherë. Je soj i njeriut që të bën të lumtur në ditën më të rëndë, të bën të fortë kur ndjehesh i dobët, të bën si shkëmb edhe kur jeta ti ngatërron rrugët dhe të jep motiv kur të duhet më shumë se kurrë. Jeta ka ngjyrë me ty, ndaj të dua çdo mëngjes e darkë pranë. Të kam “shok” dhe nuk shijoj asgjë po se ndava me ty. Mirësia jote nuk ka kufij, sikur qielli. Unë dua të jetosh sa më gjatë, shëndetshëm dhe e buzëqeshur. Se nuk e meriton askush më shumë se ti. Çdo gjuhë është e varfër për të përshkruar saktë dhe më vjen inat që nuk arrij ta kthej ndjenjën në fjalë. Të dua lule e bukur”, ka shkruar Genci në urimin e tij.

/Telegrafi/

View this post on Instagram

A post shared by Genc Prelvukaj (@gencprelvukaj)