Stephan El Shaarawy është i vendosur për tu rikthyer te Roma pas një viti e gjysmë në futbollin kinez.

Sulmuesi italian në verën e vitit 2019 vendosi të transferohet në Kinë tek skuadra Shanghai Shenhua për 16 milionë euro.

28-vjeçari pranoi transferimin në futbollin aziatik pasi ka një pagë të lartë tek kjo skuadër prej 15 milionë eurove në sezon.

Tani reprezentuesi italian dëshiron rikthimin në vendlindje dhe është në pritje për t’iu bashkuar Romës.

Lojtari është pajtuar me një kontratë katër vjeçare me Romën nga e cila do të fitojë rreth tre milionë euro në sezon.

Megjithatë problemi mbetet tek skuadra kineze Shanghai Shenhua që nuk po e lejon largimin e tij pa dëmshpërblim.

Roma dhe agjenti i lojtarit janë duke diskutuar me drejtuesit e Shanghai Shenhua për të gjetur një marrëveshje për rikthimin e italianit në Olimpico.

Nga ana tjetër El Shaarawy po qëndron në Dubai ku po stërvitet me një trajner personal dhe është në pritje të një telefonate për tu rikthyer në kryeqytetin italian. /Telegrafi/