Ekipi i Adnan Januzajt, Real Sociedadi konfirmon dy raste me coronavirus në skuadër

Real Sociedadi ka konfirmuar dy rezultate pozitive nga Covid-19 brenda radhëve të tyre pas një raundi të testimit me metodën CPR këtë fundjavë.

Klubi bask u rikthye në stërvitjen paraprake të premten, më pak se një muaj përpara fillimit të sezonit 2020-21 në La Liga.

Pas rikthimit, të gjithë pjesëtarët e klubit u testuan për Covid-19 dhe Sociedad konfirmoi dy raste pozitive.

ℹ COMUNICADO OFICIAL | Resultados pruebas PCR y serológicas#AurreraReala https://t.co/q0tZLd3kpp

— Real Sociedad Fútbol (@RealSociedad) August 15, 2020

Të dy individët tani do të izolohen në shtëpi, ku do t’ju kërkohet një test negativ përpara se të mund të rikthehen në terrenin e trajnimit.

Sociedadi ka ndjekur shembullin e klubeve të tjera në lidhje me testet pozitive, dhe nuk ka pranuar të konfirmojë identitetin e atyre që janë përfshirë.

🔛 ¡Llenos de ilusión! 💙#AurreraReala pic.twitter.com/nT9cNKWNn8

— Real Sociedad Fútbol (@RealSociedad) August 15, 2020

Raportet nga Marca pretendojnë se pozitivë janë dy lojtarë të ekipit të parë, por ato nuk lidhen me Alexander Isak, Joseba Zubielda, Portu ose Willian Jose, pasi u fotografuan në stërvitje.

Sipas udhëzimeve aktuale të hartuara nga La Liga dhe RFEF, në bashkëpunim me autoritetet spanjolle të shëndetit, e gjithë skuadra tani do t’i nënshtrohet një raundi shtesë të testimit të hënën. /Telegrafi/