Edicioni i shtatë i festivalit “Mirëdita, dobar dan!” në Beograd do të mbahet nga 22 deri më 24 tetor 2020
Festivali “Mirëdita, dobar dan!”, ngjarje kjo unike që ka prezantuar skenën kulturore dhe shoqërore të Kosovës në Beograd që nga viti 2014, do të mbahet nga 22 deri më 24 tetor në Beograd.
Këtë vit festivali do të jetë më i shkurtë se edicionet e kaluara për shkak të virusit korona, megjithatë ne konsiderojmë se është shumë e rëndësishme organizimi i tij, natyrisht në përputhje me të gjitha masat për parandalimin e përhapjes së pandemisë COVID-19.
Ashtu sikur edhe gjatë viteve të kaluara, edhe këtë herë qytetarët e Beogradit do të kenë mundësi të mësojnë më shumë për skenën kulturore të Kosovës përmes një sërë prodhimesh artistike; shfaqje, filma e ekspozitë. Një pjesë e festivalit do t’i kushtohet diskutimeve dhe debateve për të ardhmen e marrëdhënieve Kosovë – Serbi dhe rëndësinë e bashkëpunimit për të dy shoqëritë.
Qëllimi i festivalit është që përmes prezantimit të artistëve dhe performuesëve të cilët përfaqësojnë skenën kulturore e bashkëkohore të Kosovës të bashkon komunitetet shoqërore e kulturore të Kosovës dhe Serbisë dhe të krijohet një traditë bashkëpunimi, që do të kontribuoj në arritjen e një normalizim të qëndrueshëm të marrëdhënieve mes këtyre dy vendeve.
Gjatë ditëve të festivalit, audienca e Beogradit do të prezantohet me artistë dhe performues që përfaqësojnë skenën kulturore moderne të Kosovës.
Këtë vit, në Qendrën për Dekontaminim Kulturor, festivali “Mirëdita, dobar dan!” do të hapet me shfaqjen teatrore nga Doug Wright të titulluar “Unë jam vetë grua”, me regji të Kushtrim Koliqit, në të cilën Adrian Morina, si aktori i vetëm në skenë, luan më shumë se 30 personazhe duke na sjellur një histori të një jete tejet të vështirë të një personi transgjinor gjerman – Charlotte von Mahlsdorf, e cila i ka mbijetuar regjimit Nazist dhe atij Stasi.
Në ditën e dytë të festivalit, publiku do të ketë mundësi të marrë pjesë në debatin “Kosova – trashëgimia e kujtesës” në Qendrën për Dekontaminim Kulturor, si dhe të shohë ekspozitën me të njëjtin titull nga Korab Krasniqi në galerinë “Endžio” në Dobračina.
Në ditën e fundit të festivalit, do të ketë një debat mbi çështjet e drejtësisë tranzicionale në Kosovë dhe institucionalizimin e saj, për të vazhduar me leximin e aktorit Tristan Halilaj të disa pjesëve nga libri i tij “Richard Gere ishte këtu”, një përmbledhje tregimesh.
Ngjarja përmbyllëse e edicionit të këtij viti do të jetë shfaqja e filmit “Shpia e Agës” nga Lendita Zeqiraj, i cili do të jepet në orën 20:30 në Qendrën për Dekontaminim Kulturor.
Frymëzim për festivalin “Mirëdita, dobar dan!” është aktori i mirënjohur shqiptar, kosovar, jugosllav por edhe i tërë botës, Bekim Fehmiu i cili simbolizon unitetin por edhe ndarjen, por gjithashtu edhe mundësinë e bashkimit të dy hapësirave kulturore në një të vetme.
Hyrja në të gjitha ngjarjet e festivalit është falas, me regjistrim paraprak.
Festivali organizohet nga Integra (Kosovë), Nisma e të Rinjëve për të Drejtat e Njeriut (Serbi), Iniciativa Qytetare (Serbi) dhe forumZFD, me mbështetjen e Fondacionit Kosovar për Shoqëri të Hapur (KFOS), Fondacioni për Shoqëri të Hapur në Serbi, Rockefeller Brothers Fund (RBF), Ministria e Kulturës, Rinisë dhe Sportit e Republikës së Kosovës.
Promo
Reklamo këtuLufta Prigozhin - Putin
Më shumëNemo i Zvicrës thyen trofeun e Eurovizionit, vetëm pak minuta pasi u kurorëzua fitues
Fansat thonë se Doja Cat duhet të ndalohet nga Met Gala, pasi arriti veshur me bluzë të lagur
Shikuesit e Eurovizionit kritikojnë hologramet e ABBA-s, pasi grupi i vërtetë dështojnë të shfaqen në 50-vjetorin e fitores së tyre
Shpallja e finalistit të dytë, Juli dhe Meritoni në televotim kokë më kokë
Holanda përjashtohet nga finalja e "Eurovision 2024"
Fansat e Eurovizionit të tronditur: Këngëtari finlandez shfaqet duke performuar lakuriq nga beli e poshtë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron