“E dimë ku jeton, mos nënshkruaj” – tifozët e Evertonit me baner kërcënues për Benitezin

Një pjesë e tifozëve të zemëruar të Evertonit e kanë kërcënuar Rafa Benitezin të mos nënshkruajë me klubin.

Spanjolli ishte trajner për një kohë të gjatë i rivalëve të Evertonit – Liverpoolit, me të cilin fitoi katër trofe – përfshirë FA Cup dhe Ligën e Kampionëve.

Strategu ka menaxhuar që atëherë Interin, Chelsean, Napolin, Real Madridin dhe Newcastlen, por lidhja e tij me Liverpoolin mbetet e fortë dhe ai ende ka një shtëpi në Merseyside.

Raportimet tregojnë se Benitez është në prag të zëvendësimit të Carlo Ancelottit si trajner i Evertonit dhe shumë tifozë të Toffees janë kundër emërimit.

Të hënën, një banderolë e cila shkruante “Ne e dimë se ku jetoni. Mos nënshkruani”, ishte varur jo shumë larg nga vendi ku jeton Benitez me gruan dhe dy vajzat e tij.

This banner is online. It has been posted not far from where Rafa Benitez lives with his wife and his daughters. It’s sinister, it’s reprehensible and the people responsible for it should be ashamed. They are a disgrace. pic.twitter.com/6prhZt16vX

— Dominic King (@DominicKing_DM) June 28, 2021

Pankarta, dhe posaçërisht mesazhi që ajo shfaq, është dënuar gjerësisht nga mbështetësit e Evertonit.

Shumë e kanë quajtur atë “të turpshme” dhe “jo të duhur”, pasi ky është futbolli dhe nuk duhet gjykuar për të kaluarën. /Telegrafi/

Another banner protesting against the appointment of Rafa Benitez. This banner is outside his family home where his wife and kids live. You may all have your opinions on his soon to be appointment but this is over the line and went too far pic.twitter.com/PkuXkCrYaW

— The Toffee Blues (@EvertonNewsFeed) June 28, 2021