Dy iniciativa në Ballkanin Perëndimore nga fillimi i janarit të këtij viti, janë duke u udhëhequr nga dy shqiptarë. Njëri është nga Republika e Kosovës dhe tjetra është një grua nga Republika e Shqipërisë.
Ish-kryetari i Odës Ekonomike të Kosovës (OEK), Safet Gërxhaliu nga fillimi i këtij viti, udhëheqë me Sekretariatin e Odave Ekonomike të Ballkanit Perëndimore me seli në Trieste të Italisë.
Kurse ish-ministrja e Integrimeve Evropiane të Shqipërisë, Majlinda Bregu ka marrë detyrën e Sekretares së Përgjithshme të Këshillit të Bashkëpunimit Rajonal.
Safet Gërxhaliu në një prononcim për Telegrafin ka folur për misionin dhe qëllimet e këtij sekretariati.
Ai ka treguar se ky Sekretariat i Odave Ekonomike ka për qëllim fuqizimin dhe promovimin ekonomik të vendeve të Ballkanit Perëndimor, duke synuar rritjen e punësimit dhe të investimeve në këto vende.
“Është e vërtetë se një sekretariat i tillë i Odave Ekonomike ka rëndësi të madhe ekonomike, politiko-strategjike dhe mundësi për promovimin e Kosovës dhe ndermarrësisë si dhe të proceseve integruese. Qëllimi është ekonomia dhe bashkëpunimi ekonomike rajonal, dialogu si dhe për t’i eliminuar barrierat dhe të përmirësohet imazhi i Ballkanit Perëndimor, sepse në të kaluarën vendet e rajonit janë njohur si vende të krizave”, tha ai.
Gërxhaliu po ashtu ka treguar se Sekretariati i Odave Ekonomike të Ballkanit Perëndimor do ta kenë fokus edhe rritjen e investimeve të huaja. “Rritja e investimeve, hapja e vendeve të reja të punës si dhe zhvillimi ekonomik mund të jenë garanci për stabilitet politik sociale”, tha ai.
Po ashtu sipas ish-kryetarit të OEK-ut, Safet Gërxhaliu, fokus do të jetë edhe edukimi, digjitalizimi, rrjetëzimi i bizneseve në rajon dhe rritja e parametrave të tjera ekonomike.
Në këtë Sekretariat të Odave Ekonomike të Ballkanit Perëndimor i dalë nga procesi i Berlinit, bëjnë pjesë, Kosova, Shqipëria, Serbia Maqedonia dhe Bosnja e Hercegovina.
Ndërkaq, më 4 janar ish-deputetja e PD-së, Majlinda Bregu ka marrë detyrën e Sekretares së Përgjithshme të Këshillit të Bashkëpunimit Rajonal, pas emërimit të saj nga ministrat e jashtëm të Procesit të Bashkëpunimit të Europës Juglindore.
Sekretarja Bregu do të vijojë punën me të gjithë aktorët për avancimin e klimës politike të dialogut, pajtimit, tolerancës dhe hapjes ndaj bashkëpunimit, si parakushte kyçe për stabilitetin dhe prosperitetin e rajonit të Europës Jug-Lindore dhe qytetarëve të saj.
Majlinda Bregu zëvendëson në këtë pozicion Goran Svilanoviqin nga Serbia, i cili e mbajti këtë detyrë për dy mandate të njëpasnjëshme nga viti 2013 deri në vitin 2018.
“Jam e bindur se së bashku, nën drejtimin politik të Procesit të Bashkëpunimit në Europën Juglindore (SEECP) dhe mbështetjen e Bashkimit Europian, duke përfshirë median, shoqërinë civile, së bashku do të përpiqemi të bëjmë zgjedhje të mençura, që nxisin e mbështesin dialogun me të gjitha grupet në shoqëri”, ka thënë sekretarja Majlinda Bergu, shkruan Telegrafi.
Ajo është shprehur e bindur se ritmi i zhvillimit rajonal do të ndikojë në ritmin e integrimeve të këtyre vendeve. /Telegrafi/
Lufta Prigozhin - Putin
Më shumëGoBau – Kositëse bari
Pasuria e guvernatorit të BQK-së, drejtorit ATK-së dhe drejtorit të Doganës
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
KEDS: Elektroseveri ka filluar t’i vendosë njehsorët e rrymës në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre