Vedat Muriqi ka qenë vendimtar në fitoren e Mallorcas përballë Athletic Bilbaos (3-2) në Visit Mallorca Estadi.

Vendasit krijuan epërsi të dyfishtë në pjesën e parë të takimit, mirëpo mysafirët arritën t’i barazonin shifrat duke e dramatizuar ndeshjen në fraksionin e dytë.

Megjithatë, Mallorca arriti ta shënonte edhe golin me vlerën tri pikë përmes Takefusa Kubo, porse arkitekt ishte sulmues i Kosovës.

Ai pranoi një top në qendër dhe në përpjekje për t’u shmangur nga lojtarët kundërshtarë, asistoi te bashkëlojtari i tij, i cili e realizoi golin e fitores (88’).

Asistim i mrekullueshëm me kokë nga Muriqi që e nxori bashkëlojtarin përballë portierit Asistim i mrekullueshëm me kokë nga Muriqi që e nxori bashkëlojtarin përballë portierit

Muriqi ishte asistues edhe në golin e dytë të Mallorcas, kur pas një rivënie anësore, vrapoi drejt qendrës duke e goditur topin me kokë dhe duke e nxjerrë Angel Rodriguezin përballë portierit dhe ai nuk e pati të vështirë vetëm t’ia ndërronte drejtimin topit drejt portës (30’). /Telegrafi/