Dua Lipa shkëlqen në një fustan transparent në festën pas koncertit madhështor në Wembley – feston me Callum Turner

Pas dy netësh historike në Wembley Stadium, ku performoi para mbi 140 mijë fansave, Dua Lipa festoi me shumë stil arritjen e saj më të madhe muzikore deri më sot.

Artistja shqiptare, 29 vjeçe, u shfaq mahnitëse në festën pas koncertit, e veshur me një fustan transparent dhe tejet elegant, që theksonte linjat e saj të përkryera.

E shoqëruar nga i fejuari i saj, aktori Callum Turner, 35 vjeç, çifti u duk më i afërt se kurrë, ndërsa vallëzonin dhe festonin pranë miqve të ngushtë si Charli XCX, Lily Allen dhe Amelia Dimoldenberg.

Turner, i cili i propozoi Dua-s në dhjetor, u pa duke i dhuruar përqafime të ngrohta këngëtares gjatë gjithë natës.

Dua ndau në rrjete sociale momente nga festa, ku shkruante me humor: “Ia dola disi të vazhdoja të kërceja… adrenalina është një drogë e tmerrshme”.

Këngëtarja festonte me të drejtë – performanca e saj në Wembley u përshkua me emocione, të ftuar surprizë si Charli XCX dhe Jamiroquai, dhe një energji të rrallë që elektrizoi turmat.

Në skenë, Dua përshëndeti fansat me fjalë prekëse për karrierën e saj që nisi 10 vite më parë në një klub të vogël në Londër: “Atëherë ëndërroja për një natë si kjo – dhe ja ku jemi, para 70 mijë njerëzve”.

Krijuesja e “Levitating” dhe “New Rules” solli një spektakël të denjë për historinë e muzikës britanike, ndërsa festa që pasoi ishte një pasqyrim i suksesit të saj të jashtëzakonshëm – një ikonë e muzikës pop në kulmin e saj. /Telegrafi/