Ajo është parë duke shijuar jetën në Shtetet e Bashkuara të Amerikës pasi u zhvendos në Kaliforni për të qenë më afër të dashurit të saj, Anwar Hadid.
Dhe Dua Lipa vërtetoi se ajo do të vazhdojë ende me partnerin e saj, meqë të njëjtit shijuan një darkë në “The Brothers Sushi” në Los Angeles të mërkurën në mbrëmje.
Muzikantja 24 vjeçare u shfaq e veshur në një triko rozë, teksa modeli 21 vjeçar mbështillte krahët rreth saj në daljen nga darka.
Dua Lipa dhe Anwar Hadid (Foto: Backgrid)
Duke theksuar fizikun atraktiv, artistja me origjinë shqiptare zgjodhi një korset që e bëri të dukej edhe më në formë.
Lipa dukjen e kompletoi me një palë pantallona të bardha e po ashtu mbante maskën si masë kryesore preventive ndaj COVID-19.
Anwar, ndërkohë, dukej i thjeshtë me një bluzë ngjyrë të gjelbër të errët e me pantallona ngjyrë bordo.
Dua Lipa dhe Anwar Hadid (Foto: Backgrid)
Shëtitja e tyre vjen pas shpërnguljes së Duas nga Londra në Amerikë, për të qenë më afër partnerit të saj.
The Sun raportoi që krijuesja e hitit “One Kiss” është zhvendosur në ShBA për shkak të frikës se ajo nuk do të jetë në gjendje të udhëtojë marrë parasysh gjendjen me coronavirus.
Është pohuar se artistja me origjinë nga Londra është zhvendosur në një pronë marramendëse në Beverly Hills afër familjes së Anwar, përkundër faktit se rrethi i saj i brendshëm janë të gjithë me bazë në Mbretërinë e Bashkuar.
Dua Lipa dhe Anwar Hadid (Foto: YouTube)
Këngëtarja theksoi se ishte e vështirë për të marrë një vendim të tillë, por ajo duhej të karantinohej sa herë që udhëtonte.
Megjithatë, një burim pranë saj potencoi se jeta në Amerikë do jetë më e mirë për të edhe në anën profesionale. /Telegrafi/
Dua Lipa dhe Anwar Hadid (Foto: Instagram)
