Drita merr fitore të madhe në udhëtim te Trepça ’89

Drita ka arritur të marrë një pikë të vështirë në udhëtim te Trepça ’89 në kuadër të javës së 29-të në Superligën e Kosovës me rezultat 1-0.

Qysh në minutën e nëntë, Ardian Muja i vendasve gjuan nga distanca, por topi ndalet brenda zonës nga Hamdi Namani, ndërkohë që skuadra vendase kërkon penalti duke aluduar në prekje me dorë. Gjyqtari kryesor Alban Shala thotë që loja duhet të vazhdojë.

Trepça ’89 kishte disa sulme të pareshtura në portën e Drtiës, mirëpo lojtarëve u mungonte konkretizimin.

Më pas, Drita rrezikoi me anë të Erjon Vucajt, që kishte dy raste të njëpasnjëshme, mirëpo asnjëra nuk ishte e rrezikshme për Darko Tolifoskin.

Në 45 minutat e dytë, erdhi momenti vendimtar i takimit, pasi Festim Alidema kaloi kampionin në fuqi në minutën e 53-të me një realizim nga penalltia.

Ishte minuta e 74-të kur Astrit Fazliu lëshoi një shans të artë për Dritën, pasi nuk arriti të mposhtë Tolifoskin.

Drita arriti të marrë kështu tre pikë, dhe pas javës së 29-të, vazhdon të jetë lider me 64 pikë, tre më shumë se Ballkani dhe katër më shumë se Prishtina. /Telegrafi/