Disa mënyra efektive për t’i ulur nivelet e kortizolit

Niveli i lartë i kortizolit mund të ketë efekte negative të mëdha në shëndetin mendor dhe fizik, pasi mund të shkaktojnë ankth, depresion, shtim në peshë, probleme me gjumin, dhe madje edhe sëmundje të rënda, si diabeti dhe sëmundjet e zemrës.

Por, ka disa mënyra të thjeshta për të ulur nivelet e tij dhe për të ndihmuar në mbajtjen e trupit dhe mendjes në gjendje të shëndetshme.

Lexo po ashtu Ke ndjesi ankthi kur zgjohesh? Zbulo pse ndodh dhe ç’të bësh

Mendimet pozitive: Stresi shpesh vjen nga mendimet negative dhe fiksimet. Praktikoni teknika relaksuese, për praktikimin e mendimeve pozitive në ditën tuaj në mënyrë që të shmangni stresin. Krijoni një listë me gjëra pozitive për të reflektuar momente të lumtura, arritje personale apo momente paqësore. Kjo do të ndihmojë në uljen e stresit dhe uljen e niveleve të kortizolit.

Relaksimi dhe meditimi: Meditimi dhe teknikat e relaksimit, si joga, janë mënyra të shkëlqyera për ta ulur kortizolin. Këto metoda ndihmojnë në zvogëlimin e tensionit muskulor dhe përmirësojnë ndjenjën e qetësisë së mendjes – transmeton AgroWeb.

Aktiviteti fizik: Aktiviteti fizik ndihmon në zvogëlimin e stresit dhe prodhimin e endorfinave, të njohura si “hormonet e lumturisë”. Bëni ushtrime të rregullta, si ecje, vrapim, ose sporte për të mbajtur kortizolin nën kontroll.

Lexo po ashtu Ushqimet që ulin nivelin e hormonit të stresit – kortizolit

Mënyra e të ushqyerit: Ushqimi ndikon shumë në nivelet e kortizolit. Përzgjidhni një dietë të shëndetshme dhe të pasur me fruta, perime, proteina të pasura me aminoacide dhe yndyra të shëndetshme, si omega-3. Mbani nën kontroll konsumin e sheqerit dhe kafeinës, të cilat mund t’i rritin nivelet e kortizolit.

Gjumi i mjaftueshëm: Gjumi i pamjaftueshëm ka një ndikim të madh në nivelet e stresit. Sigurohuni që të merrni 7-9 orë gjumë të mirë çdo natë për ta mbajtur kortizolin nën kontroll.

Menaxhimi i kohës dhe prioritetet: Organizimi i kohës dhe menaxhimi i detyrave mund të ndihmojë në zvogëlimin e stresit dhe tensionit të përgjithshëm. Përdorni një kalendar apo agjendë, përcaktoni prioritete, dhe praktikoni teknika të menaxhimit të stresit për të parandaluar rritjen e niveleve të kortizolit.

Mbajtja e niveleve të kortizolit nën kontroll është e rëndësishme për shëndetin tonë mendor dhe fizik. Duke praktikuar këto mënyra të uljes së kortizolit, mund të arrini një gjendjeje më të qetë dhe të shëndetshme mendore dhe trupore.

Lexo po ashtu Zgjimi herët, një shprehi që i ka avantazhet e veta