Këngëtarja Ganimete Abazi është pëlqyer gjithmonë nga publiku shqiptar për këngët e saj, në zhanrin të cilin ajo e këndon.
Një ndër hitet më të mëdha në karrierën e saj kujtohet kënga “Mirupafshim”, të cilën këngëtarja e kishte realizuar menjëherë në vitet e pas luftës, këngë kjo e cila i bënte për vete shqiptarët me refrenin ku citohej “Mirupafshim në Kosovën e lirë…”, duke iu referuar kështu tashmë Kosovës të pavarur si shtet.
Ende pas kaq vitesh kjo këngë kujtohet, ndërsa nga nostalgjia e atëhershme, këngëtarja ka vendosur që të realizojë edhe vazhdimësinë e këtij projekti.
Së fundmi, ajo ka përfunduar incizimin e këngës dhe xhirimet e klipit të këngës së re, e cila titullohet “Mos u pafshim”, teksa në një intervistë për Telegrafin, ajo tregon se si erdhi ideja për realizimin e një projekti të tillë si vazhdimësi e këngës së dikurshme.
“Ideja për të realizuar këtë projekt, për të rikthyer një hit siç ishte kënga “Mirupafshim” ka qenë e udhëheqësit të grupit ‘Proband Monit’, me të cilin tash e katër vite jam duke punuar me ta. Besoj që edhe projekti i ri të pëlqehet dhe të ketë jetëgjatësinë e këngës “Mirupafshim”, tha Ganimete Abazi për Telegrafin.
Tutje, këngëtarja tregoi bashkëpunëtorët me të cilët ajo ka zgjedhur që të punojë projektin e ri, janë po të njëjtit me ata të cilët ka bashkëpunuar vite më parë.
“Kënga e re “Mos u pafshim” është kompozuar nga Ilir Berani, orkestrimin e ka realizuar Florent Boshnjaku, gjersa për klipin po kujdesen MAX Production”, tregon më tej Ganja.
Ditë më parë në Tiranë kanë përfunduar edhe xhirimet e klipit, në të cilin këngëtarja do të vijë mjaft e freskët dhe me stil.
“Klipi është realizuar në Shqipëri me MAX Production, dhe është punuar me shumë përkushtim. Kemi pasur xhirime në shumë vende të ndryshme dhe besoj se do të jetë një klip i veçantë”, shtoi ajo.
Kënga “Mirupafshim” mbetet ndër këngët e saj më të veçanta të karrierës, teksa në vazhdimin e bisedës ajo tregoi për lidhjen e saj të veçantë emocionale që ka me këtë këngë.
“Kënga “Mirupafshim” është e vërtetë që cilësohet si më e suksesshmja në karrierën time, edhe pse kam pasur hite tjera, mirëpo kjo veçohet ndër to. Është realizuar në vitin 2000 nga Ilir Berani, me të cilin vazhdoj të bashkëpunoj, dhe natyrisht se atë këngë e ruaj si një ndër më të veçantat në ‘sirtarin’ tim”, thotë Ganimete Abazi.
“Mos u pafshim” e cila do të publikohet në pak ditë, nuk do të jetë projekti i vetëm nga këngëtarja, pasi e njëjta tregon se do të jetë mjaft e angazhuar edhe në vazhdim.
“Po, kemi shumë projekte të reja, të cilat besoj do i realizojmë së bashku me grupin ‘Proband Monit’, me të cilët kemi gjetur një gjuhë të përbashkët dhe kemi një bashkëpunim të suksesshëm”, ka përfunduar Ganimete Abazi.
Telegrafi ka përcjell nga afër xhirimet e klipit të ri “Mos u pafshim”, teksa përgjatë artikullit keni pasur mundësinë të njiheni me disa imazhe ekskluzive nga prapaskenat e klipit.
Në vazhdim, ju sjellim edhe disa fotografi tjera, të cilat shfaqin këngëtaren Abazi gjatë performancës së saj në xhirimet e klipit të ri. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Dua Lipa bën një paraqitje të rrallë familjare, teksa merr pjesë në sfilatën e modës “Gucci Cruise 2025”
Krijuesi dhe ylli i “Baby Reindeer”, Richard Gadd, zbulon një gjë për të cilën nuk do të flasë: Nuk mendoj se do ta komentoj më ndonjëherë
Këngëtarja amerikane, Chloe Bailey publikon fotografi provokuese gjatë një udhëtimi me varkë
Pjesë e Big Brother VIP Kosova? Luiz Ejlli befason me përgjigjen
Mes thashethemeve se ka pasur diçka jashtë me Romeon, Erjola Doçi habit me deklaratën për lidhjen e tij me Heidin
U komentua në masë të madhe për paraqitjen, Besa Kokëdhima sjell të tjera fotografi përpara ngjitjes në skenën e madhe të Eurovisionit
Banorët e përqeshin, Graciano Tagani largohet duke qarë nga oborri i Big Brother
Bashkohen sërish Lumbardhi dhe Kaderi?
Luiz Ejlli bëhet fytyra e re promovuese e "Golden Eagle” - imazhi i tij tashmë në kanaçen e çdo pije energjike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Ndjehen lëkundje toke në Kosovë
Kërkesa e çuditshme që ka bërë Mbappe për t’u transferuar tek Real Madridi
Mbappe shpallet më i miri në Francë – Zhegrova mbetet pa çmim dhe jashtë formacionit të vitit
Kurti i gatshëm për zgjedhje, kërkon konsensus me partitë opozitare
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Pjesë e Big Brother VIP Kosova? Luiz Ejlli befason me përgjigjen