Përfundimi i procesit për liberalizimin e vizave për qytetarët e Kosovës para fundit të këtij viti, po del të jetë “peng” i kundërshtimit të disa shteteve të fuqishme evropiane.
Gjermania dhe Franca po kundërshtojnë liberalizimin e shpejtë të vizave për Kosovën, Ukrainën edhe Gjeorgjinë, për shkak të rrezikut nga rritja e fluksit të azilkërkuesve.
E një gjë e tillë do ta zbeh shpresën e shumë kosovarëve që këtë verë do të mund të lëvizin lirshëm në vendet Shengen.
Lidhur me kundërshtimin e Gjermanisë dhe Francës, njohësi i integrimeve evropiane, Emrush Ujkani ka thënë për Telegrafin se nuk beson që këto dy shtete do të jenë kundër dhënies së statusit për liberalizimin e vizave për kosovarët.
“Qasja e Gjermanisë dhe Francës karshi proceseve integruese të Kosovës ka qenë gjithmonë mbështetëse dhe as kësaj radhe nuk e besoj që do jenë kundër dhënies së statusit të liberalizimit të vizave për qytetarët e Kosovës”, ka thënë Ujkani.
Ai ka shtuar se është krejt normale që këto dy vende si boshti kryesor i integrimeve evropiane në përgjithësi të kenë dhe kërkesa shtesë e të cilat vetëm sa i kontribuon përmbushjes së kërkesave të BE-së në të njëjtën kohë i shërbejnë edhe vetë fuqizimit të sundimit të ligjit në vendin tonë.
“Prandaj cili do qoftë reagimi zyrtar i këtyre dy vendeve, i njëjti duhet të kuptohet si një mesazh që vije nga dy vende që në mënyrë të vazhdueshme e kanë mbështetur shtetin e Kosovës dhe qytetarët e saj”, ka vlerësuar Ujkani.
Në anën tjetër analisti Halil Matoshi ka vlerësuar se këto qëndrime e vonojnë këtë proces por nuk mund ta ndalin, pasi që sipas tij Kosova tashmë e ka të nënshkruar një marrëveshje kontraktuale me BE-në që është MSA-ja dhe kjo nuk ka kuptim pa liberalizimin e vizave sepse palët i vë në pozita diskriminuese.
“Thjesht MSA me automatizëm presupozon edhe liberalizimin e vizave, dhe këtë duhet ta bëjë të zëshme Qeveria në Prishtinë”, ka thënë Matoshi për Telegrafin.
Ndërkaq sa i përket frikës së Gjermanisë dhe Francës që me heqjen e vizave do të ketë rritje të fluksit të azilkërkuesve, Emrush Ujkani ka theksuar se rritja e fluksit të azilkërkuesve do ta dëmtonte shumë në përgjithësi agjendën evropiane të Kosovës por në veçanti procesin e liberalizimit të vizave.
Kurse, për analistin Halil Matoshi eksiton droja për një gjë të tillë, mirëpo ai nuk beson që kosovarët do ta abuzojnë liberalizimin e vizave sepse, sipas Matoshit me këtë ata do ta cenonin pavarësinë dhe lirinë e arritur me aq shumë flijime e vuajtje.
Ditë më parë është thënë se Parlamenti Evropian dhe Këshilli i Ministrave i BE-së nuk do të marrin vendim për heqjen e liberalizimit të vizave për Kosovën deri në vjeshtën e këtij viti, dhe se vlerësohet se pezullimi i vendimit për Turqinë të ketë ndikuar që ky proces të shtyhet për pak muaj edhe për Kosovën.
Lidhur me këtë Emrush Ujkani ka thënë se nuk ka dëgjuar asgjë zyrtare nga BE-ja që ka thënë se në fund të këtij viti do të mund të hiqen vizat për qytetarët e Kosovës.
“Natyrisht pas rekomandimit të dhënë nga Komisioni Evropian, ne të gjithë kemi të drejtë të shpresojmë se një gjë e tillë do të ndodhë sa më shpejt të jetë e mundur por që realisht i mbetet shteteve anëtare të vendosin për një gjë të tillë. Se kur do të ndodhë një gjë e tillë mendoj që e dinë vetëm shtet anëtare kur do e vendosin në agjendën e tyre të vendimmarrjes, prandaj nga ky pikëvështrim është vërtetë jo e drejt në rend të parë për vetë qytetarët e Kosovës që të spekulohet rreth datave të tilla”, tha Ujkani.
Në anën tjetër, Matoshi ka theksuar se BE-ja ka problem me Turqinë, porse Kosova nuk do të duhej të ishte viktimë kolaterale në këtë rast.
Ai ka thënë se besohet se nga shtatori deri në nëntor maksimumi, kosovarët do të udhëtojnë pa viza në shtetet e Bashkimit Evropian. /Telegrafi/
Lufta Prigozhin - Putin
Më shumëNga Rubrika
Fronti Europian: Të parët shpallëm tubimin në Tetovë, opozita shqiptare të rishikojë vendimin dhe të zgjedh ditë tjetër
Gërvalla në Bruksel: Kosova lidere në Ballkan në luftimin e korrupsionit
KRrE: Vetëm 2,75 për qind e energjisë elektrike është nga importi, RMV në prag të pavarësisë energjetike
Kadri Veseli e padit për shpifje deputetin e LVV-së
Stano për strukturat paralele: BE në Kosovë mbështet një strukturë të vetme institucionale sipas kornizës së saj ligjore
Arrestohet i riu nga Klina, dyshohet se abuzoi seksualisht me një fëmijë - videon e publikoi në "TikTok"
Prokuroria Speciale e fton në intervistë zëvendësministrin e Mjedisit, Hysen Durmishin
Flet e dhunuara gjatë lųftës në Kosovë: Nuk kam familje dhe askush nga të afërmit nuk di për rastin tim
Haradinaj-Stublla: As NATO e BE nuk do të ishin fitore për Kosovën, nëse çmimi është defunksionalizimi i saj i brendshëm përmes Asociacionit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri