Derby D’Italia i kishte të gjitha, madje edhe fituesin: Interi largohet nga Torino me pikë të plota, Juventusi ngec në garën për titull

Interi ka triumfuar në derbin D’Italia ndaj Juventusit që u zhvillua në kuadër të javës së 31-të me rezultat 1-0.

Rastin e parë për gol e kishin mysafirët, që me anë të Milan Skriniar rrezikuan në minutën e tetë, por goditja e tij me kokë përfundoi jashtë porte.

Vetëm një minutë më vonë, Giorgio Chiellini lëshoi një goditje të fuqishme, por atë e ndaloi shtylla.

1’ | 🎬 | AYO MENANGKAN DERBY INI! 👊

💪 Dipersembahkan oleh @bitgetglobal#JuveInter [0-0] #ForzaJuve pic.twitter.com/RLCvnkVVWG

— JuventusFC (@juventusfcid) April 3, 2022

Më pas, gjyqtari i ndeshjes u detyrua të tregonte kartonë të verdhë ndaj Adrien Rabiot dhe Manuel Locatellit, shkaku që po zhvillohej një lojë më e ashpër.

Lojë e tillë nuk mungoi as nga lojtarët e kampionit në fuqi, derisa Lautaro Martinez arriti të shpëtonte pa u ndëshkuar.

Zonja e Vjetër ishte e pafat në minutën e 34-të, pasi Locatelli u lëndua, dhe Denis Zakaria u inkuadrua në vend të tij.

🖼️ | GALLERIA

📸 Le immagini della prima mezz'ora#JuventusInter 0⃣-0⃣#FORZAINTER ⚫️🔵 pic.twitter.com/T3oJUAhZAv

— Inter 🏆🇮🇹 (@Inter) April 3, 2022

Deri në fund, vazhdoi loja më e ashpër nga lojtarët e Juventusit, derisa një ndërhyrje nga Alvaro Morata ndaj Denzel Dumfries, u akordua penallti për Nerazzurët.

Por, Hakan Calhanouglu që doli përballë Wojciech Szczesnyt në minutën e 45-të, dështoi të shënonte në tentimin e parë. Ndërsa – sërish me thirrje nga VAR-i, u bë e ditur se Matthijs de Ligt është futur në zonë para se mesfushori turk të ekzekutonte gjuajtjen.

Penalltia kështu u përsërit dhe tani turku u tregua i saktë, duke mposhtur gardianin polak për rezultatin 1-0.

🅿️ Penalty given to Inter after a VAR check
🧤 Penalty saved
⚽️ Juventus score an own goal
🙅‍♂️ Own goal ruled out
🅿️ 𝙎𝙚𝙘𝙤𝙣𝙙 penalty given after a VAR check
⚽️ Calhanoglu scores to put Inter 1-0 up

🥵 Frantic ending to the first half of the #DerbydItalia https://t.co/FSZbAy4WNJ

— SportzGlobal01 (@SportzGlobal01) April 3, 2022

Në pjesën e dytë, Zonja e Vjetër kërkoi penallti në minutën e 55-të, por pas rishikimit në VAR, u bë e ditur se nuk kishte ndërhyrje.

Një mundësi të artë, por edhe me shumë fat për Interin, e kishte Denis Zakaria, që në minutën e 74-të bëri një sllallom në mbrojtjen e mysafirëve, mirëpo goditjen e tij e ndali shtylla, me Samir Handanovicin që ishte i mposhtur.

Biankonerët tentuan deri në fund që së paku të merrnin një pikë, mirëpo Interi ishte mbyllur në fazën defanzive.

73' |😱| PALO DI ZAK!

Discesa centrale, conclusione forte con il destro: Handanovic devia sul palo.

Che occasione! #JuveInter [0-1] #ForzaJuve

— JuventusFC (@juventusfc) April 3, 2022

Pas javës së 31-të, Interi vazhdon në vendin e tretë me 63 pikë, tre më pak se Milani që është lider, ndërsa Juventusi është në të katërtin me 59 sosh.

Në xhiron e 32-të, skuadra e Simone Inzaghit ka punë me Veronën, ndërsa ajo e Maxi Allegrit takohet me Cagliarin. /Telegrafi/