Deputetja e VV-së kërkon dorëheqjen e Aleksandër Lumezit

Menjëherë pas publikimit të letrës nga ish prokurorit Elez Blakaj, kanë ardhur edhe reagimet e para nga përfaqësues të partive politike.

Një i tillë ka ardhur edhe nga deputetja e Lëvizjes Vetëvendosje, Albulena Haxhiu, e cila ndër tjerash ka kërkuar edhe dorëheqjen e kryeprokurorit Aleksandër Lumezit.

Postimi i plotë i Haxhiut në Facebook:

Letra e ish prokurorit Blakaj shpërfaq skandalet dhe kapjen e sistemit të drejtësisë nga mafia në pushtet që është e lidhur direkt me drejtuesit e sistemit të drejtësisë!

Aty përmendet kryeprokurori Lumezi dhe të tjerë, e që pas atyre që ka shkruar ish prokurori Blakaj, Aleksander Lumezi duhet dhënë dorëheqje sa më parë!

Në vijim gjeni vetëm disa fjalë nga letra e tij:

“Në kulmin e këtyre hetimeve, gjatë intervistimeve, Kryeprokurori i Shtetit z. Aleksander Lumezi urgjentisht me fton në zyrën e tij dhe kërkon llogari pse e kam ftuar në intervistim z. Kadri Veselin (madje edhe si deshmitar) për rastin e “Veteranëve”, duke u arsyetuar “SE ATA KANË IMUNITET NUK KA NEVOJË MI THIRR”, ani pse për këtë çështje ia kam bërë të qartë se Gjykata Kushtetuese në interpretimin e saj “asnjëherë, askujt, në asnjë rrethanë apo cilësi nuk i ka dhënë imunitet kur bëhet fjalë për vepra penale”…. Poashtu, i njëjti e ka hapur edhe temën e rastit “Pronto”, i cili ka provuar të më frikësoj se nese nuk rishikohet aktakuza e dërguar në gjykatë, do të me dërgoj në komision disiplinor… ndersa unë iu kam përgjigjur “Lirisht të parin dërgom mua, se kam problem fare”. /Telegrafi/