Një dem i arratisur nga rodeo i përshkruar si i rrezikshëm dhe jashtëzakonisht agresiv mbeti i lirë në Karolinën e Veriut gjatë së shtunës ndërsa zyrtarët kërkuan për kafshën me peshë 317 kilogram.

Reklama

Policia në Norwood, deklaroi të mërkurën se demi ishte arratisur nga një stallë në qytetin që ndodhet rreth 80 kilometra në lindje të Charlotte.

Por ata shpejt shtuan se nuk ishte një kafshë e zakonshme, raporton UPI, përcjell Telegrafi.

“Ky dem është me ngjyrë çokollatë dhe është jashtëzakonisht agresiv”, paralajmëroi departamenti i policisë.

“Nëse e shihni këtë dem, ju lutemi telefononi menjëherë 911 dhe në asnjë rrethanë nuk duhet t’i afroheni kafshës, pasi ai do t’ju ndjekë”, vazhdonte paralajmërimi.

Reklama

Shefi i policisë së Norwood, James Wilson deklaroi për Stanly News & Press se demi agresiv “depërtoi nëpër mur dhe u arratis” nga oborri rreth orës 10 të mëngjesit të së mërkurës.

Reklama

“Ata sollën disa kauboj nga jashtë qytetit për të provuar të gjurmonin këtë dem,” tha ai, duke shtuar se profesionistët me qen të trajnuar për të gjurmuar bagëtitë pritej të bashkoheshin në kërkim.