LAJMI I FUNDIT:

Deklarata befasuese e Roberto Carlosit për Shakhtarin: Mund të shkojnë deri në finale të Ligës së Kampionëve

Deklarata befasuese e Roberto Carlosit për Shakhtarin: Mund të shkojnë deri në finale të Ligës së Kampionëve

Roberto Carlos, foli për perspektivat e rritjes së Shakhtar Donetsk, që drejtohet aktualisht nga trajneri italian Roberto De Zerbi, e cila prej vitesh ka rekrutuar gjithmonë shumë lojtarë me origjinë nga Brazili.

Legjenda e futbollit mori vëmendjen më të madhe në atë që ai e sheh skuadrën katalunase si finaliste në Ligën e Kampionëve.

“Unë shikoj shumë ndeshje të Shakhtarit. Ka shumë brazilianë atje, mes tyre janë miqtë e mi. Për shembull Dentinho, me të cilin kemi luajtur së bashku te Corinthians. Dodo dhe Tete janë gjithashtu lojtarë të shkëlqyer”, deklaroi fillimisht Carlos.

“Jam shumë i lumtur që Shakhtar i kthen sytë nga Brazili çdo herë në kërkim të lojtarëve të rinj. Atje gjejnë klubin e duhur talentët e rinj brazilianë. Janë 13 brazilianë te Shakhtar, nëse nuk gabohem. Më duhet të përgëzoj presidentin për nënshkrimin e lojtarëve kaq të mrekullueshëm”.

“Shakhtar ka bërë përparim të madh në të gjitha turnetë ku merr pjesë. Ky është një ekip që i jep shumë futbollit ukrainas. Është gjithashtu e dobishme për rivalët si Real Madridi të takohen me kësi ekipesh. Dhe kjo është padyshim e dobishme për Shakhtarin, pasi ka një mundësi unike për të fituar përvojë ndërkombëtare”.

“Siç e shoh unë, Shakhtar është skuadra që mund të arrijë në gjysmëfinale apo edhe në finalen e Ligës së Kampionëve në të ardhmen e afërt. Për ta bërë këtë, i duhet të luajë kundër rivalëve si Real Madridi”, ka shtuar më tej Carlos.

Shakhtari në edicionin e kaluar befasoi Real Madridin, duke e mposhtur si jashtë, ashtu edhe brenda, mirëpo në këtë edicion Los Blancos ishin më të vëmendshëm ndaj tyre.

Ky edicion për skuadrën ukrainase nuk ka qenë edhe aq i frytshëm në garën më të madhe për klube në Evropë, pasi në katër ndeshje të zhvilluara – kanë arkëtuar vetëm një pikë. /Telegrafi/

Standings provided by SofaScore LiveScore

Në trend Sport

Më shumë
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Barcelona ka dy javë kohë për të zgjedhur numrin 10 – në klub kanë tri opsione

Barcelona ka dy javë kohë për të zgjedhur numrin 10 – në klub kanë tri opsione

La Liga
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Bayern Munich e ka seriozisht me Arda Gulerin

Bayern Munich e ka seriozisht me Arda Gulerin

Bundesliga

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

La Liga
Kalo në kategori