Debutimi fantastik i Armend Dallkut si trajner në garat ndërkombëtare: Fitorja, përballja me Rijekën dhe rekordi që arriti
Armend Dallku pas një karriere të shkëlqyer si futbollist, para katër vitesh ndryshoi rol duke u ulur në stol si trajner dhe që atëherë sukseset e tij nuk janë ndalur edhe në këtë drejtim.
Që në vitin e parë arriti ta fitojë Kupën e Kosovës me Prishtinën, duke mbyllur një sezon të suksesshëm, pasi skuadrën e mori pasi filloi kampionati.
Kur pritej që ai të drejtojë Prishtinën në Ligën e Evropës, Dallku u largua nga klubi, ku konsiderohej legjendë, duke mos pasur rastin të drejtojë skuadrën si trajner.
Por siç thotë ajo fjala e vjetër popullore: “Vonim ka, shpëtim asnjëherë”. Pas katër vitesh punë, angazhim dhe suksese të njëpasnjëshme, Armend Dallku me ndihmësit e tij, Artan Luzin dhe Agon Ramadanin debutuan në Evropë me Dukagjinin, skuadër që e morën e Ligën e Parë, e kthyen në Superligë, luajtën në finale të Kupës së Kosovës dhe siguruar garat ndërkombëtare.
Në një intervistë për Telegrafin, ‘timonieri’ i Dukagjinit, Dallku flet për emocionet e debutimit, fitoret në dy ndeshje ndaj Europa FC dhe kalimin tutje.
“Pavarësisht që kishim mundësi edhe në kaluarën të luanim në garat ndërkombëtarë, tani erdhi momenti dhe jam shumë i lumtur. Me të vërtet jemi shumë të lumtur, duke pas parasysh që ishim një ekip papërvojë, më mirë me thënë papërvojë fare, me shumë pak lojtarë që kanë luajtur në këto gara, jemi shumë të lumtur që arritëm qëllimin tonë, pra ta kalojmë turin”, ka thënë Dallku fillimisht për Telegrafin.
Edhe pse luajmë tash e shtatë vite në garat ndërkombëtare, asnjë ekip nga Kosova nuk kishte arritur ta mposht kundërshtari brenda dhe jashtë fushë, siç bëri Dukagjini ndaj Europa FC. Një arritje historike për klubin e Dukagjinit, dhe një statistikë që do të futet në librat për futbollin tonë.
“Morëm dy fitore dhe në rang shtetëror kemi sjell dy pikë që janë të vlefshme në renditjen e Kosovës për klube në UEFA. Jemi ekipi i vetëm nga Kosova që merr pjesë në një garë evropiane dhe arrin ta mposht kundërshtarin dy herë, si brenda ashtu edhe jashtë. Kjo na bën edhe më të lumtur dhe është një e arritur shumë e madhe, pasi kemi shumë pak lojtarë me përvojë në këtë nivel, që kanë marr pjesën në këto garë”, nënvizoi Dallku.
Trajneri tashmë i njohur, fal sukseseve të tij, thotë se fitoret në ndeshjet ndaj Europa FC erdhën me angazhim të madh të gjitëve rreth klubit.
“Duke e ditur që kishim shumë, shumë probleme të mëdha jo vetëm ne, por futbolli jonë në përgjithësi, atëherë me gjithë ato probleme, të gjitha sakrificat, apo telashet, me arriti të luajmë në garat ndërkombëtare dhe të kalojmë turin e parë është një arritje shumë e madhe, thënë më mirë historike për Dukagjinin, klub që më parë ka bërë gara edhe në një kategori më poshtë. Ky sukses erdhi me angazhimin e të gjithëve pa përjashtim”, deklaroi Dallku.
Në raundin e dytë përballë Dukagjinit do të jetë klubi i njohur kroat Rijeka. Dallku është i bindur që edhe kundër Rijekës do të bëjnë paraqitje dinjitoze, edhe pse e di që ka kontingjent jo aq të madh të lojtarëve. Ahmed Januzi dhe Marcelei Santos ishin të dëmtuar, ndërsa Bujar Shabani do të mungojë shkaku i kartonit të kuq në ndeshjen e fundit.
“Ne kemi arrit maksimumin sa i përket objektivit të parë, mirëpo do të bëjmë çmos që të kemi paraqitje dinjitoze edhe kundër Rijekës. Mirëpo nuk duhet harruar se në këto garë rëndësi të madhe ka edhe numri i lojtarëve. Pra numri i lojtarëve i kufizuar siç e kemi ne, ta pamundëson të kërkosh shumë në këto gara. Por siç thash do të mundohemi të bëjmë më të mirën. Si staf do të mundohemi të rikuperojmë lojtarët, pas një udhëtimi të vështirë, pasi dihet largësia me Gjibraltarit dhe udhëtimi shumë i vështirë që është për në këtë vend, kështu që do të tentojmë të bëjmë maksimumin, sidomos në ndeshjen e parë që e zhvillojmë në shtëpi”.
“Do të shohim mundësitë tona, pasi ne nuk shkojmë me flamur të bardhë në asnjë ndeshje dhe luajmë për maksimumin. Gjithçka do të varet se si do ta kemi kontingjentin, pasi nuk kemi mjaftueshëm lojtarë që të përballojnë garën. Pra do t’i shohim se a do të jenë në 100 për qind të fortës së tyre”, ka përfunduar Dallku.
Dukagjini ndeshjen e parë e zhvillon të enjten në “Fadil Vokrri” kundër Rijekës. /Telegrafi/
Lufta Prigozhin - Putin
Më shumëHistoria e pabesueshme e ‘heroit’ që mposhti PSG-në: Pseudonimin e mori për shkak të dhëmbëve, deri në moshën 30-vjeçare ishte në kategorinë e dytë
Autobusi i PSG-së e la Mbappen në stadium pas humbjes nga Dortmundi, në aeroport shkoi me transport privat
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Barcelona e hapur për të shitur yllin e madh të ekipit
Real Madridi merr vendim për të ardhmen e Modric dhe Kroos
Tifozët e Real Madridit kanë mbetur të habitur me praninë e ‘lojtarit misterioz’ me ekipin në Gjermani
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit