Pas 18 vjetësh te AS Roma, Daniele De Rossi është gati të hulumtoj për horizonte të reja kur të përfundojë sezoni.

Edhe pse koha e italianit me Giallorossit po i vjen fundi, 35 vjeçari ka ndërmend të vazhdojë të luajë dhe burimet thonë se mund të lëvizë drejt SHBA-së.

Romakët arsyetojnë vendimin e mos vazhdimit të kontratës me De Rossin Romakët arsyetojnë vendimin e mos vazhdimit të kontratës me De Rossin

Disa skuadra të MLS-it tashmë kanë treguar interes për të nënshkruar me mesfushorin me përvojë, por me sa duket, ai nuk do të bashkohet me Zlatan Ibrahimoviç në Los Angelos.

Sipas ‘TMW’, New York City është shumë e interesuar të siguroj shërbimet e fituesit të Kupës së Botës, ku afati kalimtar do të startojë më 10 korrik deri më 8 gusht.

Shkuarja e mundshme e De Rossit në Major League Soccer nuk përjashtohet, pasi lojtari romak ka deklaruar dëshirën më parë se dëshiron të jetoj në Shtetet e Bashkuara.

Përmes një konferencë lamtumirëse, De Rossi flet për herë të fundit si lojtar i Romës Përmes një konferencë lamtumirëse, De Rossi flet për herë të fundit si lojtar i Romës

Nëse ai nënshkruan me NYC, legjenda romake do të ndjekë gjurmët e Andrea Pirlos, i cili nënshkroi për njujorkezët në vitin 2015 për t’u bërë lojtari më i paguar në MLS me një kontratë në vlerë prej tetë milionë dollarësh për sezon. /Telegrafi/