Arsenali ka konfirmuar se David Luiz i është nënshtruar ndërhyrjes kirurgjike në gjurin e djathtë dhe pritet të kthehet në stërvitje në javët në vijim.

Braziliani mungoi në humbjen e Topçinjve nga Liverpooli të shtunën mbrëma, ndërsa Mikel Arteta ka pranuar se nuk është i sigurt se a do të mund të luajë qendërmbrojtësi më këtë sezon.

Futbollisti, i cili këtë muaj i mbush 34 vjet, ka shumë pak kohë për t’u rikuperuar në përpjekje që të luajë sërish këtë edicion.

View this post on Instagram

A post shared by David Luiz (@davidluiz_4)

Në kumtesën për shtyp të stafit mjekësor të Arsenalit thuhet se procedura ka qenë e suksesshme dhe se lojtari është duke u riaftësuar në shtëpi. Edhe vet lojtari e ka shpërndarë një fotografi nga shtrati duke treguar se procedura ka qenë e suksesshme.

Sipas njoftimit, në ditët në vijim, Luiz pritet t’i bashkohet stafit mjekësor në qendrën stërvitore, ku do të përcillet rikuperimi ditor i tij, me shpresën që “në javët në vijim” mund të jetë në dispozicion të trajnerit. /Telegrafi/