David dhe Victoria Beckham thuhet se janë infektuar me coronavirus, ndërsa ishin në një ndejë në Los Angeles, Kaliforni, në fillim të muajit mars.

Sipas një raportimi të ri, legjenda e futbollit, 45 vjeç, dhe gruaja e tij, 46 vjeçare, kishin frikë se ishin ‘super përhapës’ pasi gjithashtu disa prej stafit të tyre ishin të prekur me COVID-19, pas dy javësh të kaluara me fëmijët e tyre përgjatë gjithë globit.

Çifti udhëtuan nga Los Angeles për në Mbretërinë e Bashkuar për të festuar ditëlindjen e 21-të të Brooklyn më 4 mars, para se të ktheheshin në Amerikë, më 11 mars përpara nisjes së ekipit të ri të Davidit, Inter Miami, në Florida.

David dhe Victoria Beckham (Foto: Instagram)

Është pohuar se ishte në Miami kur babai i katër fëmijëve filloi të ndihej keq, së bashku me ish-yllin e “Spice Girl” që kishte një dhimbje të fytit dhe një temperaturë më të lartë.

Një burim pretendoi se disa nga ekipi i Beckham, duke përfshirë këtu shoferë, truprojë u sëmurën, madje disa prej tyre ishin në gjendje jo të mirë shëndetësore.

Të gjitha lajmet nga David Beckham Të gjitha lajmet nga David Beckham

“Victoria me të vërtetë ishte në panik”, vazhdoi burimi – duke shtuar se e gjithë familja u detyruan të karantinoheshin për një periudhë dy javore, gjë kjo e përcaktuar nga qeveria e Mbretërisë së Bashkuar.

Victoria Beckham (Foto: Instagram)

Pas rikuperimit të tyre nga COVID-19, Victoria dhe David thuhet se kishin bërë teste për të siguruar që nuk kishin më virus, përpara se të niseshin për pushime në Greqi dhe Itali. /Telegrafi/