Darmian: Më mungon Serie A dhe Italia

Matteo Darmian ka folur rreth kampionatit italian, Serie A dhe kombëtares së Italisë, duke thënë se i mungojnë të dyja.

Mbrojtësi italian u transferua para dy sezonesh te Unitedi nga Torino, por ka dështuar të tregojë vlerat e veta dhe ta zë një vend titullari.

Kështu, e ardhmja e tij gjithmonë ka qenë shumë e përfolur me një rikthim të tij në Itali dhe tani edhe vet lojtari ka deklaruar se i mungon futbolli italian.

Lexo po ashtu Eksod nga Manchester Unitedi, 10 lojtarë mund të largohen

“Duhet të them, me të vërtetë më mungon Serie A dhe Italia tani”, ka thënë fillimisht Darmian për Gazzetta dello Sport.

“Unë e di që jam në një nga klubet më të mira në botë dhe jam krenar që jam në Manchester United, por unë e dua Italinë, e dua vendin tim”.

“Të kthehem të luaj për Italinë është objektivi im. Roberto Mancini nuk më ka thirrur akoma, por shpresoj se do të jem në të ardhmen”, përfundoi italiani.

Juventusi dhe Interi janë lidhur me një lëvizje për Darmian gjatë afatit të fundit kalimtar veror.

Edhe Napoli thuhet se bëri ofertë për të, por ishte shumë e ulët për ta lënë të lirë Unitedi. /Telegrafi/