0Shares

Aktorja amerikane, Cynthia Nixon, e ka humbur garën për t’u bërë kandidate për guvernatore të New Yorkut.

Ylli i “Sex and the City” ka konkurruar me guvernatorin aktual, Andrew Cuomo, i cili ka arritur të sigurojë 65 për qind të votave (kundrejt 35 për qind të aktores) dhe në këtë mënyrë, ai do të jetë sërish kandidat i demokratëve.

Cuomo është guvernator i New Yorkut që nga viti 2011, ndërsa zgjedhjet e ardhshme do të zhvillohen më 6 nëntor.

“Rezultati nuk është ai që kemi shpresuar, mirëpo unë nuk jam e dekurajuar”, ka shkruar Nixon në Twitter.

“Jam e frymëzuar, shpresoj që të jeni edhe ju. E kemi ndryshuar skenën politike në këtë vend”, ka shtuar ajo.

Lajmet për Cynthia Nixon Lajmet për Cynthia Nixon

Aktorja ka vazhduar me një sërë postimesh në rrjetet sociale duke thënë se ky është vetëm fillimi dhe se ajo do të vazhdojë betejën politike edhe në të ardhmen.

“Faleminderit të gjithëve që besuar dhe luftuat dhe latë gjithçka në terren. Filluam diçka këtu në New York dhe nuk do të përfundojë sot. Ky është vetëm fillimi. Dhe e di se të bashkuar do ta fitojmë këtë garë”, ka shkruar ndër të tjera Nixon. /Telegrafi/

Të Ngjajshme
Shfaq Komentet (0)