CSKA e Moskës ka arritur të sigurojë shërbimet e futbollistit turk, Yusuf Yazici, në formën e huazimit nga Lile.

Por, pa dashur – zyrtarja e informimit, ka publikuar mesazhet e klubit me futbollistin në Instagram.

Ne mesazhet e publikuara, mesazhet që CSKA i kishte dërguar Yazici ishin:

“Yusuf! Përshëndetje Yusuf! Ne po të presim ty. Yusuf? Ku je ti? Jemi gati të nënshkruajmë kontratën?”. Deri këtu çdo gjë dukej normale, deri në mesazhin e fundit”.

“Yusuf, është Rusia, ne kemi shumë Natasha këtu!”, shkruante CSKA.

Kjo vjen si pasojë e një fenomeni që ndodh në Rusi.

Shumë vajza ruse shkojnë për pushime në Turqi dhe më pas martohen me djem turq. Në mënyrë shakaje, klubi ka munduar ta bindë futbollistin, i cili do të kishte mundësinë të njihte dhe shumë femra ruse.

Por, klubi rus më pas ka kërkuar falje për mesazhet e dërguara ndaj lojtarit turk dhe kjo gjë natyrisht se ishte e shëmtuar dhe seksiste. /Telegrafi/