Antonio Conte kishte menduar transferimin e Cristiano Ronaldos në Tottenham

Antonio Conte kishte konsideruar të sillte Cristiano Ronaldon te Tottenham Hotspur vitin e kaluar, pasi Fabio Paratici ishte çelësi i transferimit të tij në Juventus.

Sipas The Daily Mail, Conte dhe presidenti i klubit Daniel Levy kishin diskutuar mundësinë e afrimit të CR7 në vitin 2022, kur raporti i sulmuesit me trajnerin e ri të Manchester United, Erik ten Hag ishte përkeqësuar.

Ai ishte i dëshpëruar për t’u bashkuar me një skuadër që luante në Ligën e Kampionëve dhe Tottenham ishin në fazën e grupeve.

Duke marrë parasysh se ishte Paratici ai që ndihmoi Ronaldo të kalojë nga Real Madrid te Juventus në vitin 2018, drejtori i Tottenham do të kishte qenë në një pozicion ideal për të krijuar kontakte.

Sidoqoftë, në fund Conte dhe Levy vendosën se nuk ishte në interesin e tyre që ta sillnin Ronaldon në ekipin e tyre.

Cristiano Ronaldo përfundimisht e ndërpreu kontratën e tij me pëlqim të ndërsjellë dhe iu bashkua Al-Nassr FC në janar.

Pastaj edhe Conte bëri një ndarje të ngjashme me pëlqim të ndërsjellë me Tottenhamin javën e kaluar./Telegrafi/