Chris Brown kritikohet sërish për performancat pasi improvizoi një akt seksual në skenën e festivalit “Rolling Loud”

Chris Brown improvizoi një akt seksual me lëvizje të turpshme në skenën e festivalit muzikor “Rolling Loud” në Tajlandë.

Në pamjet e shpërndara këngëtari u ul në një karrige teksa një valltare mbështetëse improvizonte aktin seksual ndërsa ai këndonte hitin “Under The Influence”.

Në atë që dëshmohet të jetë një lëvizje e veçantë, performanca e tij më e fundit vjen pasi ai kapi për fyti yllin e “Love Island Natalia Zoppa” në një kërcim në prehër gjatë një shfaqjeje ‘live’ në Manchester.

Gjatë festivalit të së premtes në mbrëmje, Chrisit iu bashkua një balerin mbështetëse me veshje rozë e cila bënte vallëzimet sensuale përreth tij, këngëtari i R&B më pas u përkul sipër balerinës dhe i dha një puthje përpara se të vazhdonte rutinën.

Chris kishte një prerje flokësh të shkurtër, të lyer me ngjyrë blu të ndezur dhe kishte veshur një bluzë të bardhë me pantallona të shkurtra ngjyrë bezhë për përformancën.

Kjo nuk është hera e parë që artisti merr vëmendje dhe kritikohet për veprime të tilla sensuale gjatë performancave, Brown së fundmi shkaktoi zemërim tek fansat kur kapi nga fyti ish-yllin e “Love Island”, Natalia Zoppa në një kërcim në prehër.

Këngëtari i R&B, i cili ka një histori të dhunës në familje, i mbështjellë duart rreth qafës së bukuroshes para se të vallëzonte me të gjë që mori reagime të shumta.

Ndërkaq, e premtja shënoi të dytën nga tre ditët e mbushura me muzikë në “Rolling Loud”, reperja Cardi B që nisi festivalin të enjten. Bashkëshorti i saj Offset do të performojë gjithashtu gjatë fundjavës.

Chris udhëhoqi grupin të premten, të cilit iu bashkuan artistë të tillë si Rick Ross, Dababy dhe Lil Pump.

Ndërsa festivali do të përmbyllet të shtunën nga Travis Scott, Central Cee dhe Offset.

Duke bërë debutimin e tij në Azi, është hera e parë që “Rolling Loud” zhvillohet në Tajlandë, pas ngjarjeve masive të fundjavës në vende të tilla si Miami, Portugalia, New York dhe Toronto. /Telegrafi/