Janë zhvilluar gjashtë ndeshje të reja në elitën e basketbollit amerikan NBA.

Chicago Bulls janë rikthyer te fitorja pas dy humbjeve të njëpasnjëshme, ku kanë triumfuar në udhëtim te Charlotte Hornets me 12 pikë diferencë 109:121.

Ka qenë një ndeshje shumë interesante, por që në fund Bulls ishin më të vëmendshëm dhe morën fitoren.

DeMar DeRozan ishte më i miri në këtë takim për Bulls me 36 pikë, pesë kërcime e katër asistime në 37 minuta sa qëndroi në parket.

Lojë të mirë tek skuadra fituese zhvilloi edhe Zach LaVine me 27 pikë, shtatë kërcime e pesë asistime, derisa qendra malazeze Vucevic shtoi 18 pikë, 15 kërcime e tetë asistime.

Reklama

LaMelo Ball ishte më efikasi tek skuadra vendase me 33 pikë, nëntë kërcime, pesë asistime e katër topa të vjedhur, por që nuk mjaftuan për fitore.

Reklama

Ndërkohë në Moda Center të Portlandit ka ndodhur befasia, pasi Los Angeles Lakers janë mposhtur nga Portland Trail Blazers.

Skuadra nga Kalifornia ishin favorit të mëdhenj duke marrë parasysh mungesat e vendasve, por në fund Portland triumfoi me dy pikë diferencë 107:105. /Telegrafi/