Çfarë do të thotë nëse ëndërroni dikë që ju ka lënduar në të kaluarën

Këto ëndrra na japin një mundësi për të shëruar plagët e vjetra emocionale

Kur nuk përfitojmë nga rasti për të mësuar nga përvojat tona – pa marrë parasysh sa të dhimbshme apo të vështira – ato leksione mund të shfaqen në ëndrrat e përsëritura, gjë që është një shenjë se ne duhet të shikojmë më thellë në vetvete dhe të gjejmë burimin e dhimbjes sonë.

Ne të gjithë vijmë me ngarkesa nga e kaluara jonë – të njohura dhe të panjohura – dhe ndonjëherë ato manifestohen në mënyra jo të shëndetshme, si p.sh. lëndimi i njerëzve të tjerë ose bartja e traumave.

Ky nuk është një justifikim për sjelljen e dikujt tjetër që na ka shkaktuar dhimbje, por mund të japë një pasqyrë se pse dikush na ka lënduar, transmeton Telegrafi.

Është e mirë apo e keqe një ëndërr për dikë nga e kaluara që na ka lënduar?

Edhe pse kjo lloj ëndrre na zgjon emocione negative, në parim mund ta karakterizojmë si pozitive, sepse na inkurajon të kuptojmë ambientin tonë dhe t’i kushtojmë vëmendje llojit të njerëzve me të cilët kalojmë kohë.

Njerëzit mund të ndikojnë në gjendjen tonë të përgjithshme; Marrëdhëniet toksike krijojnë një mjedis plot energji negative dhe stres të padëshiruar që mund ta vështirësojë gjetjen e paqes së brendshme ose mundësive për rritje personale. Me një distancë nga momentet e vështira në të cilat u lënduam, tani mund të jemi më të vetëdijshëm për përparimin tonë dhe ndryshimin që na lejoi paqen dhe kënaqësinë.

Çfarë do të thotë të flasim me dikë nga e kaluara që na ka lënduar?

Të takosh dikë në ëndërr që të ka lënduar në të kaluarën zbulon ndjenjat e tensionit të pazgjidhur, keqardhjes dhe trishtimit të lidhur me situatën. Kjo lloj ëndrre shpreh një nxitje emocionale për t’u përballur me atë person në mënyrë që të çlirojë emocionet e fshehura.

Lexo po ashtu Çfarë do të thotë kur vazhdimisht ëndërroni të njëjtin person? Ç'porosi na dërgon nënndërgjegjja në këtë mënyrë

Kur lëndohemi nga dikush nga e kaluara jonë, mund të jetë e vështirë të ecim përpara apo edhe të kuptojmë pse kanë ndodhur disa ngjarje. Një ëndërr për të folur me dikë nga e kaluara mund të përfaqësojë mënyrën e nënndërgjegjeshme për t’u përpjekur të pajtohet me atë që ndodhi dhe të përpunojë emocionet e veta që lidhen me atë kujtim. Të shohësh sërish atë person shkakton ndjenja të forta dhe të pakëndshme, por gjithashtu paraqet një mundësi për shërim të brendshëm.

Në një nivel më të thellë, një ëndërr e tillë na ndihmon të kuptojmë veten dhe situatën tonë aktuale. Çështje të tilla si zemërimi ndaj vetes ose një personi tjetër dhe ndjenja e fajit për diçka që ka ndodhur në të kaluarën, apo edhe konfuzioni rreth besimeve kontradiktore, kanë potencialin të bëhen të vetëdijshëm gjatë gjumit. Në fakt, një ëndërr e tillë mund të jetë jashtëzakonisht e vlefshme për ne dhe përgjigja se pse është kështu fshihet brenda nesh.

Lexo po ashtu Se çfarë ëndërroni varet nga pozicioni në të cilin flini: njëra anë është shkaktar i maktheve, ndërsa tjetra i ëndrrave erotike!

Dhe në fund…

Ëndrrat, aktori kryesor i të cilave është një person që na ka lënduar në të kaluarën, e theksojnë atë ngjarje. Edhe pse kjo dhimbje është ende e pranishme në nënndërgjegjen tonë, kjo është një mënyrë e shkëlqyer për ta trajtuar atë dhe për ta shëruar.

Ndonjëherë nuk kemi kohë apo vullnet për të luftuar me ndjenjat tona kur dikush na lëndon, por pikërisht ky është parakushti i rëndësishëm për të ecur përpara.

Ndaloni, shikoni përreth dhe hiqni dorë nga emocionet që ju pengojnë. Kthehuni në garën dhe zhvillimin tuaj personal, sepse vetëm kjo do t’ju japë një shans për lumturi. /Telegrafi/