Shefat e NATO-s, të vendosur në panik nga frika se presidenti rus, Vladimir Putin mund të sulmojë perëndimin, po përpiqen të “mbledhin” së bashku 300 mijë trupa të cilat do të mund të vendoseshin në “gatishmëri të lartë”.
Siç shkruajnë mediat britanike, përcjell Telegrafi, marrëdhëniet mes Rusisë dhe Perëndimit janë përkeqësuar vitin e kaluar, me insistimin e Moskës për mbështetjen e aleatit të saj sirian, presidenti Bashar al-Assad.
Po sipas medieve britanike, shumica e anëtarëve të NATO-s kanë shkurtuar shpenzimet e tyre të mbrojtjes në mënyrë dramatike që nga shembja e Bashkimit Sovjetik në vitin 1991, por Rusia ka bërë forcimin e kapaciteteve të saj ushtarake, duke mbajtur parada që përfshijnë më shumë se 100.000 trupa, çdo vit.
“Moska ka treguar forcën e saj në vitet e fundit – kur në vitin 2008 trupat ruse ‘poshtëruan’ gjeorgjianët dhe pushtuan Osetinë Jugore dhe Abkhazinë në mbështetje të rebelëve pro-rusë. Pastaj në vitin 2014 Rusia aneksoi Krimenë duke mbështetur rebelët etnik rusë në lindje të Ukrainës. Politika e presidentit Obama ‘rishkrimi me Rusinë’, e cila është projektuar për të përmirësuar marrëdhëniet me Moskën, është parë gjithnjë si një politikë e pajtimit”, shkruan Daily Mail.
Veç kësaj, thuhet se presidenti i Rusisë, Vladimir Putin, është akuzuar se po përpiqet të ndërhyjë në procesin zgjedhor amerikan duke bërë hakimin e e-mailave të demokratëve në Amerikë.
Por, shton më tej ky medium, përcjell Telegrafi, anëtarëve të NATO-s si Estonia, Polonia dhe Rumania, të cilët ndjehen të kërcënuar gjithnjë nga Moska, tani u është premtuar një forcë e shpejtë vendosjeje.
Në këtë drejtim, bëhet e ditur se sekretari i Përgjithshëm i NATO-s, Jens Stoltenberg, ka thënë: “Ne kemi parë edhe Rusinë duke përdorur propagandën në Evropë në mesin e aleatëve të NATO-s dhe kjo është pikërisht arsyeja pse NATO-ja është përgjigjur. Ne po i përgjigjemi me përforcimin më të madh të mbrojtjes sonë kolektive që nga përfundimi i Luftës së Ftohtë”.
“Ne kemi parë Rusinë duke qenë shumë më aktive në mënyra të ndryshme”, ka shtuar më tej ai.
E përfaqësuesi i përhershëm i Britanisë për NATO-n, Sir Adam Thomson, ka bërë të ditur se NATO-s do t’i merrte rreth 6 muaj kohë për të vendosur një forcë prej 300.000 ushtarësh, e cila vlerësohet se ishte thjesht shumë e ngadaltë.
Në fundjavë, zyrtarët britanikë të inteligjencës ushtarake lëshuan një paralajmërim në lidhje me një “super tank” rus i cili pretendohet se është shumë më superior ndaj çdo gjë që është në dispozicion të NATO-s.
Dokumenti pretendon se tanku Challenger II i Britanisë mund të mbizotërohet nga ai i Kremlinit.
Zyrtarët besojnë se tanku i ri rus është “revolucionare” dhe fajëson qeverinë për dështimin për të dhënë një përgjigje të duhur. /Telegrafi/
Lufta Prigozhin - Putin
Më shumëHistoria e trishtueshme e njeriut që nuk është pastruar për 60 vjet - mjekja tregon se pse ai e shmangu ujin e sapunin
U vesh si grua dhe përdori pasaportën e motrës, policia kufitare ukrainase arreston burrin që deshi të largohet nga vendi
Politikania gjermane sulmohet në bibliotekë
Ukraina shkatërroi raketën 6.5 milionë dollarëshe të rusëve
Rrotat e përparme nuk iu hapën, hunda e aeroplanit transportues përplaset në pistën e aeroportit turk gjatë aterrimit
Para dhe pas përmbytjeve në Brazil, imazhet satelitore tregojnë pasojat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?