Ursula von der Leyen po fliste në një konferencë shtypi në Bruksel të enjten, pas një takimi virtual të udhëheqësve të kontinentit, ku ajo tha se një dokument që thotë nëse qytetarët janë vaksinuar apo jo mund të vihet në përdorim së shpejti.
“Afati kohor, tre muaj ka të bëjë me zhvillimin teknik, kështu që na duhen të paktën tre muaj për zhvillimin teknik të një sistemi ndërveprues në nivelin evropian. Ka shumë punë për të bërë nga Komisioni në nivelin Evropian dhe shumë punë për të bërë teknikisht për vendet anëtare në nivelin kombëtar”, ka shpjeguar von der Leyen, përcjell Telegrafi.
Sipas Euronews, certifikata do të jetë për ata që kanë marrë vaksinën, një test negativ PCR ose që tashmë kanë antitrupa.
Gjithsesi, sipas të njëjtit medium, ndërsa vendet e Evropës Jugore të varura nga turizmi, si Greqia dhe Spanja, mbështesin certifikatat, vendet veriore të BE-së si Gjermania kanë qenë deri tani skeptikë nëse një sistem i tillë do të funksiononte.
“Së pari duhet të zgjidhet qartë që njerëzit e vaksinuar të mos jenë më infektues”, ka thënë kancelarja gjermane Angela Merkel në një intervistë botuar të enjten në të përditshmen Frankfurter Allgemeine Zeitung.
“Për sa kohë që numri i atyre që janë vaksinuar është akoma shumë më i vogël se numri i atyre që janë duke pritur për vaksinim, shteti nuk duhet t’i trajtojë të dy grupet ndryshe”.
“Ndjej se ka shumë konfuzion ndonjëherë për këtë temë”, citohet të ketë thënë presidenti francez Emmanuel Macron, duke folur në një konferencë shtypi pas samitit të enjten.
Ndryshe, krerët e shteteve dhe qeverive të BE-së po takoheshin për të parë gjendjen epidemiologjike në kontinent, ku ata gjithashtu ranë dakord të japin përparësi në rritjen e prodhimit dhe shpërndarjes së vaksinave, duke thënë se ata do të punojnë me industrinë farmaceutike për të lehtësuar procesin.
“Prioriteti ynë kryesor tani është përshpejtimi i prodhimit dhe shpërndarjes së vaksinave në të gjithë Bashkimin Evropian dhe kjo është arsyeja pse ne mbështesim përpjekjet e Komisionit për të punuar me industrinë për të identifikuar pengesat, për të garantuar zinxhirët e furnizimit dhe për të rritur prodhimin dhe ne duam më shumë parashikueshmëri dhe transparencë për të siguruar që kompanitë farmaceutike të jenë në përputhje me angazhimet e tyre”, ka thënë të enjten presidenti i Këshillit Evropian, Charles Michel.
Ai gjithashtu tha se blloku prej 27 anëtarësh duhet të vazhdojë të investojë në kërkimin e vaksinave, në mënyrë që të luftojë kundër çdo varianti të ri COVID-19 që mund të paraqitet. /Telegrafi/
Lufta Prigozhin - Putin
Më shumëPse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Zelensky paralajmëron për një "Çernobil të dytë"
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Franca dhe Gjermania nënshkruajnë marrëveshjen miliarda euroshe mbi një projekt armësh
SHBA fillon ndërtimin e bazës lundruese në brigjet e Gazës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre