Modalja Cara Delevingne dhe aktorja e “Pretty Little Liars”, Ashley Benson, thuhet se kanë zhvilluar një ceremoni të fshehtë martesore në Las Vegas, pas lidhjes së tyre prej më shumë se një viti.

Çifti i lesbikeve i kanë shkëmbyer unazat në Little Vegas Chapel në Las Vegas Boulevard, ndërsa ato i ka martuar një imitues i Elvis Presleyt.

Të gjitha lajmet nga Cara Delevingne Të gjitha lajmet nga Cara Delevingne

Nuk dihet me saktësi se kur ka ndodhur martesa, mirëpo 26-vjeçarja Cara dhe 29-vjeçarja Ashley në festën e tyre i kanë ftuar disa emra të njohur, si Sophie Turner, Charlize Theron e “The Jonas Brothers”.

Ashley Benson dhe Cara Delevingne (Foto: Craig Barritt/Getty Images for The Trevor Project/Guliver)

“Ato ishin të sigurta për atë që po bënin dhe ato ishin të sigurta se çfarë vlere kanë për njëra-tjetrën”, ka thënë pronari i Little Chapel, Michael Kelly, për The Sun On Sunday.

“Ishin qartë të përkushtuara ndaj njëra-tjetrës dhe kishin buzëqeshje të mëdha në fytyrat e tyre. Kuptohej se e kishin me shumë seriozitet dhe po argëtoheshin shumë. Dëshironin të ishte e thjeshtë, qetë dhe lehtë”, ka shtuar ai. /Telegrafi/