Harry Kane është njëri nga sulmuesit më të mirë në botë, por edhe më i kërkuari në tregun e transferimeve.

Skuadrat e mëdha evropiane si Manchester United, Manchester City, PSG, Real Madrid dhe Juventus kanë shprehur interesim për transferimin e anglezit.

Mediat angleze kanë raportuar se çmimi i largimit të Kane nga Tottenham është tejet i lartë.

Skuadrat e interesuara për shërbimet e anglezit duhet të paguajnë hiq më pak se 180 milionë euro.

Harry Kane. (Photo by Julian Finney/Getty Images)

Kapiteni i Spurs ka paralajmëruar largimin nga skuadra, pasi dëshiron një klub më të fortë ku do të mund të fitonte trofe.

Gjithnjë sipas mediave angleze, dy skuadrat favorite për t’i fituar shërbimet e Kane mbesin Manchester City dhe Real Madrid.

Madje Los Blancos shihen si favoritët kryesorë, pasi kanë lojtarë që i pëlqejnë Tottenhamit dhe mund t’i përfshijnë në marrëveshje për transferimin e Kane në Santiago Bernabeu. /Telegrafi/