Michael Buble i ka falënderuar fansat e tij për mbështetjen e madhe, lidhur me luftën e djalit të tij kundër kancerit duke thënë se kjo e kishte thyer emocionalisht.

Djali i 43-vjeçarit, Noah, në vitin 2016 u diagnostikua me kancer të mëlçisë, ndërsa një vit më pas, këngëtari theksoi se ai po reagonte mirë ndaj terapisë.

Michael Buble (Foto: Joerg Koch/Getty Images/Guliver)

Ndërsa gjatë pjesëmarrjes në emisionin The One Show të Alex Jones dhe Matt Baker, Buble ka folur për periudhën më të vështirë në jetën e tij.

Lajmet për BUBLE Lajmet për BUBLE

Këngëtari ka thënë se është ndier shumë i afërt me fansat e tij, të cilët i kanë ofruar mbështetje të vazhdueshme në momentet e vështira.

Michael Buble (Foto: Joerg Koch/Getty Images/Guliver)

“Nuk më kanë interesuar shitjet e albumeve, nuk më kanë interesuar biletat apo gjëra të tilla”.

“Të dish se njerëzit janë aq të mirë dhe të këndshëm, dhe se ka aq shumë dashuri – është një përvojë e mirë për të shijuar”, ka thënë Buble.

Ka pasur thashetheme se këngëtari do të heqë dorë nga muzika, mirëpo ai do të vazhdojë ta bëjë atë që di më mirë. /Telegrafi/