Brikey: Eksperienca në Big Brother të ndihmon, nëse di si ta shfrytëzosh

Ish-banorja e Big Brother VIP Kosova 2, Brikenda Karricaj, ka ndarë mendimin lidhur me ndikimin që ka pasur përvoja në këtë reality shou në jetën dhe karrierën e saj.

E pyetur nëse qëndrimi në shtëpinë më të famshme e ka ndihmuar, Brikey është shprehur se gjithçka varet nga mënyra se si një person e shfrytëzon këtë eksperiencë.

“Eksperienca në Big Brother të ndihmon – aq sa di ta shfrytëzosh ti. Nuk ka rëndësi sa gjatë qëndron aty, as çfarë bën brenda. Me rëndësi është si del dhe çfarë bën mbrapa”, tha ajo.

Sipas saj, nuk janë dramat, spektakli apo kohëzgjatja brenda shtëpisë që përcaktojnë suksesin, por aftësia për të reflektuar dhe për të ndërtuar diçka më të madhe pas daljes nga formati.

“Ajo që ka vlerë është të dish si ta përkthesh atë eksperiencë në punën tënde dhe në atë që dëshiron nga jeta. Për mua ka pasur efekt pozitiv dhe unë nuk jam ndalur asnjëherë”, ka theksuar Brikenda.

Lexo po ashtu Të gjitha lajmet nga Brikenda Karricaj

Deklarata e saj sjell një perspektivë ndryshe nga ajo që shpesh përçohet në publik -se formatet televizive si Big Brother janë thjesht platforma për famë të shpejtë dhe jetë të përkohshme në qendër të vëmendjes.

Për ish-konkurrenten, kjo ka qenë një mundësi për të kuptuar më mirë veten, për të krijuar një lidhje më të fortë me publikun dhe për të ndërtuar një rrugëtim më të qëndrueshëm në jetë dhe karrierë.

View this post on Instagram

A post shared by Brikenda Brikendaa (@brikey.k)

Rruga e saj pas daljes nga formati duket se është karakterizuar nga angazhimi i vazhdueshëm dhe përkushtimi ndaj qëllimeve. /Telegrafi/