Brenda trenit mjekësor ukrainas që ka evakuuar mbi 3000 pacientë

Një tren i vetëm ka evakuuar më shumë se 3000 pacientë që nga fillimi i pushtimit rus, sipas ministrisë së shëndetësisë të Ukrainës.

Ajo që filloi si një tren me katër lokomotiva në mars të vitit 2022 është dyfishuar në madhësi, duke përfshirë reparte të plota dhe një karrocë të kujdesit intensiv.

Treni drejtohet nga shoqata bamirëse, “Mjekët pa Kufij” në bashkëpunim me qeverinë dhe ka staf nga anesteziologë, kardiologë, infermierë të kujdesit intensiv dhe një përkthyes.

Christopher Stokes, koordinatori kryesor i urgjencës, tha se kishte një “lidhje shumë të fortë emocionale” midis pacientëve dhe stafit.

Në të njëjtën deklaratë, ata cituan kreun e trenit, Igor Komarov të ketë theksuar natyrën e ndjeshme ndaj kohës së punës së tyre. “Ndonjëherë ka një hendek të vogël kohor midis bombardimeve,” tha ai.

“Ne duhet t’i dërgojmë shpejt pacientët në një vend të sigurt. Mbi të gjitha kujtohen fëmijët me amputime dhe lëndime të rënda”, pohoi Komarov

Ndryshe, treni gjithashtu është shfrytëzuar për t’i kthyer njerëzit në shtëpitë e tyre në zonat si Khersoni. /Telegrafi/