Brad Pitt spekulohet për një romancë të re me stilisten Sat Hari Khalsa

Brad Pitt tashmë ka një zonjë të re në jetën e tij.

Aktori, 55 vjeç, është duke u takuar me stilisten dhe shëruesen holistike Sat Hari Khalsa, sipas një burimi i cili zbulon ekskluzivisht për Us Weekly.

Sipas burimit, Khalsa, 50 vjeçe, “është tokësore”, dhe është më e thjeshtë sesa gratë me të cilat ka qenë ai në të kaluarën. “Ajo është shumë e fortë dhe ka një mendje të bukur . Kjo është ajo për të cilën po e tërheq Pittin”, thotë më tej burimi.

Dyshja për herë të parë ngjallën thashethemet para një viti, kur ata u fotografuan në ‘Conservatory of Music Annual Benefit’ dhe Ankandin e Artit të organizuar nga Red Hot Chili Peppers.

Lexo po ashtu Të gjitha lajmet nga Brad Pitt

Marrëdhënia e tyre, megjithatë, nuk është ende shumë serioze. “Brad nuk është akoma i gatshëm”, vazhdon burimi, por prapë, “Sat është shumë e veçantë për të dhe dikush me të cilin kënaqet duke kaluar kohë”.

Pitt ishte martuar më parë me Jennifer Aniston nga 2000 në 2005 dhe Angelina Jolie nga 2014 deri në 2016. Ai dhe Jolie janë prindër të Maddox, 18 vjeç, Pax, 15 vjeç, Zahara, 14 vjeç, Shiloh, 13 vjeç dhe binjakët Knox dhe Vivienne, 11. /Telegrafi/