Brad Pitt ka paditur ish-bashkëshorten e tij, Angelina Jolie, për shitjen e pjesës së saj të një verarie, e cila ishte në pronësi të përbashkët të ish-çiftit tek një biznesmen rus.
Aktori, 58 vjeç ngriti një padi kundër aktores, 46 vjeçe, pasi ajo ia shiti aksionet e saj të verarisë franceze “Château Miraval the Correns”, te oligarku rus Yuri Shefler, shkruan DailyMail.
Brad tha në dokumentet e gjykatës se ai dhe Jolie fillimisht blenë verarinë në vitin 2008 për 28.4 milionë dollarë (25 milionë euro), në të cilën kohë ajo investoi rreth 40 për qind të financimit (rreth 11.36 milionë dollarë apo afro 10 milionë euro).
Brad tani kërkon që një gjykatës të urdhërojë Angelinan të zhbëjë marrëveshjen në fjalë, pasi pretendon se ajo e ka përfunduar shitjen ‘pa dijeninë e tij’.
Aktori i “Fight Club” i tha gjykatës se ai dhe Jolie kishin rënë dakord se nuk do të shisnin interesin e tyre në verari pa pëlqimin e palës tjetër.
Ai tha se ka investuar dhe punuar më shumë në punishten e verës për ta bërë atë fitimprurëse, dhe deri në vitin 2013, veraria nuk i kishte arritur objektivat e tij.
Në dokumentet e gjykatës të paraqitura në Gjykatën e Lartë të Los Angelesit dhe të marra nga rubrika ‘Page Six’ e New York Post, thuhet: “Jolie e përfundoi shitjen e supozuar pa dijeninë e aktorit Pitt, duke i mohuar Pittit të drejtën e pëlqimit që i detyrohej atij dhe të drejtën e refuzimit për të qenë personi me përparësi blerjen e aksioneve të Joliet para biznesmenit rus”.
“Ajo shiti interesin e saj me dijeninë dhe qëllimin se Shefler dhe bashkëpunëtorët e tij do të kërkonin të kontrollonin biznesin të cilit Pitt i ishte përkushtuar dhe të minonin investimin e Pitt në Miraval”.
Jolie informoi gjykatën se ajo synonte të shiste pjesën e saj të verarisë në korrik të 2021-s, tha Brad në dokumentet ligjore, duke shtuar se në shtator të vitit 2021 ai pranoi ta linte aktoren e “Maleficent” të kërkonte një blerës për të cilin do të kishte të drejta miratimi.
Në atë kohë, firma e saj dhe vetë kompania “Bongo LLC” e ish-bashkëshortit të saj ishin aksionarë të barabartë në një kompani luksemburgase që kishte interesa pronësie në pronën Chateau Miraval në Francë dhe një biznes verërash të quajtur “SNC Miraval Provence”.
Aktori i tha gjykatës se në tetor të vitit 2021, mësoi se Jolie i kishte shitur aksionet e saj organizatës së Shefler-it dhe nuk kërkoi miratimin e tij ose marrëveshjen ose ia zbuloi kushtet, kundër asaj që ata kishin rënë dakord më parë në kontratë.
Ai tha gjithashtu se përfshirja e Shefler ka qenë e dëmshme për aftësinë e tij për të drejtuar me efikasitet verarinë.
Një burim i afërt me Brad-in i tha tabloidit TMZ se ish-gruaja e tij shpërfilli ‘detyrimet e saj ligjore dhe etike’ në shitjen e aksioneve të saj Shefler-it dhe ‘duke e bërë këtë, ajo ka shkelur të drejtat e të vetmit person që derdhi para dhe djersë për suksesin e biznesit, duke pretenduar se do të shesë si shtëpinë e biznesit ashtu edhe atë të familjes një konkurrenti të palës së tretë’.
Angelina ‘po kërkon një kthim në një investim që nuk e ka bërë dhe fitime që nuk i ka fituar’, tha burimi i brendshëm.
Ish-çifti i Hollywoodit, i cili u martua në vitin 2014 dhe u nda në vitin 2016, kanë qenë të përfshirë në sistemin ligjor mes betejave për çështje të shumta gjatë pesë viteve të fundit.
Majin e kaluar, Bradit iu dha kujdestaria e përbashkët e fëmijëve të tyre të mitur: Pax, 17, Zahara, 16, Shiloh, 15 dhe Vivienne dhe Knox, 13. Ai dhe Angelina janë gjithashtu prindër të Maddox, 20 vjeçe. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Mbretëresha e pistës së vallëzimit” – Dua Lipa zbukuron kopertinën e revistës “Elle” në Amerikë
Puhiza Sadiki, pianistja e re nga Gjilani merr vendin e dytë në “Victoria Music Center” në Barcelonë
Emri i saj do të thotë “biznes” – Rita Ora shihet e lumtur në Sydney pasi ka lansuar në treg markën e saj të re të flokëve
Një fotografi e Kim Kardashianit nga pushimet ka shkaktuar të qeshura në internet, për shkak të detajit të pakuptimtë të saj
Genta Ismajli publikon një video me burrin e saj në TikTok, ku ai ushqehet nga një pjatë e servuar mbi trupin e saj në tavolinë
Meritoni eskalon gjatë debatit, shan me familje banorët në Big Brother VIP Albania
Time Magazine shënon historinë e grave shqiptare: Nga refugjatja Sherife Luta më 1999, në yllin ndërkombëtar Dua Lipa
Bebe Rexha publikon të tjera fotografi nga paraqitja spektakolare në festivalin "Coachella 2024"
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin