Në Kanë ka filluar sot (e martë) edicioni i 72-të i Festivalit Ndërkombëtar të Filmit, ku deri më 25 maj për Palmën e Artë do të garojnë 21 filma.

Këtë vit regjisori i filmit “Birdman”, Alejandro G. Inarritu, drejton një juri që përfshin Elle Fanning, regjisorin grek, Yorgos Lanthimos, aktoren Senegalese Maimouna N’Diaye, regjisorin polak Pawel Pawlikowski, autorin e librit komik francez dhe regjisorin Eric Bilal.

Padyshim që filmi më i madh për çmimin kryesor të ngjarjes është realizimi i Quentin Tarantinos, “Once upon a Time in Hollywood”.

Leonardo DiCaprio luan rolin e Rick Dalton, ndërsa Brad Pitt ka një rol të dyfishtë si Cliff Booth. Të dy janë duke luftuar me një peizazh të ndryshueshëm të Hollywoodit, të gjitha të ilustruar nga fqinja tjetër e Daltonit, Sharon Tate, e luajtur nga Margot Robbie.

Një nga filmat që nuk duhet humbur është edhe “The dead do not Die”, pjesë e të cilit është edhe ylli Selena Gomez, film ky që do të bëjë edhe hapjen e festivalit.

Ndryshe, çmimin kryesor do ta japë juria, presidenti i të cilës është pikërisht regjisori meksikan, Alejandro G. Inarritu. /Telegrafi/