Boris Johnson është tërhequr nga gara për lidershipin e Partisë Konservatore dhe atë të postit të kryeministrit të Britanisë së Madhe.

Reklama

Johnson kishte mbështetjen e 59 deputetëve të partisë, por i nevojiteshin 100 për të vazhduar garën, transmeton Telegrafi.

Kjo e mbajti të hapur garën për ish-këshilltarin Rishi Sunak, i cili udhëheq në nominim sa i përket numrit të votave të deputetëve të partisë – me një total prej 144.

Në një kumtesë të lëshuar për media, ish-kryeministri konfirmoi se “ka mundur t’i sigurojë 102 vota” por se ka ardhur në përfundon se “thjesht nuk është koha e duhur” të vazhdojë tutje.

Reklama

“Pavarësisht se kam kontaktuar me të Rishi dhe Penny – për fat të keq nuk kemi arritur marrëveshje”, thuhet ndër tjera në kumtesën e Johnson.

Reklama

Sunak i cili kishte rolin kyç në rrëzimin e qeverisë së atëhershme të Johnson, është favoriti i parë për kryeministrin e ri të Britanisë së Madhe.

Këtë e tentoi edhe pas largimit të Johnsonit, por humbi nga kundërkandidatja Liz Truss.

Mediat britanike raportojnë se Sunak megjithatë do të mund t’i ofronte ndonjë post ministror Johnsonin, por deri më tani nuk ka ndonjë konfirmim. /Telegrafi/