Blerta Ahmetxhekaj e do Superkupën e hendbollit në koleksionin e Istogut

Portierja e Istogut dhe Kosovës, Blerta Ahmetxhekaj, e vlerëson faktin që hendbollit kosovar i është shtuar edhe një garë. Ajo beson fuqishëm që trofeu i Superkupës do të zë vend në koleksionin e Istogut.

Istogu luan me Ferizajn për Superkupën e Kosovës. Ndeshja do të luhet të enjten prej orës 18:00 në palestrën e qytetit në Istog.

Kjo skuadër vjet fitoi titullin e kampionit dhe Kupën e Kosovës. Tani e synon trofeun e parë për edicionin 2022/2023.

Lexo po ashtu Superkupë festive e hendbollit në Istog

“Superkupa e Kosovës është trofe i ri të cilin synojmë që nesër ta shtojmë në koleksionin e Istogut. Kemi zhvilluar fazë të mirë përgatitore. Po koordinohemi shumë mirë dhe kemi ekip bashkëpunues. Jam e lumtur që Superkupa mbahet në shtëpinë tonë, në palestrën e Istogut”.

“Shikuesve ju premtojmë se do të shohin një ndeshje të mirë hendbolli dhe se do të japim më të mirën. Prandaj nesër i mirëpresim të gjithë në Istog. Shpresoj që do të ketë shumë shikues”, ka thënë Blerta Ahmetxhekaj.